Maharashtra Politics Latest News: राज्याच्या राजकीय वर्तुळातून एक मोठी बातमी समोर येत आहे. आगामी लोकसभा निवडणुकीसाठी शिवसेनेनं तयारी सुरू केली आहे. मुख्यमंत्री एकनाथ शिंदे यांनी शिवसेनेच्या सर्व आमदारांना तयारीला लागण्याच्या सूचना दिल्या आहे, असं शिवसेनेचं खासदार कृपाल तुमाणे यांनी म्हटलं आहे. त्याचबरोबर ठाकरे गटातील उर्वरित आमदार आणि खासदारही लवकरच आमच्याकडे येतील असा दावाही त्यांनी केला आहे. (Latest Marathi News)
काही दिवसांपूर्वी ठाकरे गटाचे (Uddhav Thackeray) खासदार संजय राऊत यांनी शिंदे गटाचे १३ खासदार निवडून येणार नाहीत, असा दावा केला होता. मात्र, संजय राऊत यांचा हा दावा खासदार कृपाल तुमाणे यांनी फेटाळून लावला आहे. आमच्या गटाचे सर्वच्या सर्व १३ खासदार विजयी होतील, असा विश्वासही कृपाल तुमाने यांनी केला आहे.
इतकंच नाही तर, उद्धव ठाकरे यांच्या गटातील उरलेले आमदार (Shivsena) आणि खासदार लवकरच आमच्याकडे येतील सर्वकाही शिजलं आहे. काही तांत्रिक बाबींमुळे ते थांबले आहे, असा दावाही खासदार कृपाल तुमाणे यांनी केला आहे. (Maharashtra Political News)
ठाकरे गटातील १० आमदार आणि दोन खासदारांसोबत आमची चर्चा झाली आहे. आमची त्यांच्यासोबत बैठक झाली आहे, सर्वकाही फायनल झालं आहे, असंही तुमाणे यांनी म्हटलं आहे. दरम्यान, तुमाणे यांच्या या दाव्याने राजकीय वर्तुळात मोठी खळबळ उडाली असून ठाकरे गटात पुन्हा एकदा मोठी फूट पडण्याची शक्यता वर्तवली जात आहे. (Breaking Marathi News)
आगामी लोकसभा निवडणुकीसाठी शिवसेनेनं तयारी सुरू केली आहे. मुख्यमंत्री एकनाथ शिंदे (Eknath Shinde) यांनी शिवसेनेच्या सर्व आमदारांना तयारीला लागण्याच्या सूचना दिल्या आहे, असं शिवसेनेचं खासदार कृपाल तुमाणे यांनी म्हटलं आहे. संजय राऊत यांनी आपले घर सांभाळावे, आम्ही आमच्या चिन्हावर लढणार आहोत. शिंदे-फडणवीस यांच्यासोबत आम्ही आहोत, ते जे निर्णय घेतील त्यानुसार आम्ही काम करणार, असंही तुमाणे यांनी म्हटलं आहे.
Edited by - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.