लातूर हादरलं! ज्या विहिरीने तहान भागवली तिथेच घडली शेतकऱ्यासोबत दुर्दैवी घटना

Latur Latest News : आपल्याच शेतातील विहिरीवर पाणी काढण्यासाठी गेलेल्या शेतकऱ्याचा विहिरीत बुडून मृत्यू झाला
लातूर हादरलं! ज्या विहिरीने तहान भागवली तिथेच घडली शेतकऱ्यासोबत दुर्दैवी घटना
Latur Saam Tv

लातूर : शेतातील विहीर (well ) ही शेतकऱ्यांसाठी पाण्याचे मोठे साधन असते. आपल्या शेतात विहीर असावी, तिला भरपूर पाणी असावं असं अनेक शेतकऱ्यांना वाटतं. मात्र, आपल्याच शेतातील विहिरीवर पाणी काढण्यासाठी गेलेल्या शेतकऱ्याचा विहिरीत बुडून मृत्यू झाला. मन हेलावून टाकणारी ही घटना लातूर तालुक्यातील भोसा येथे घडली आहे. व्यंकट नामदेव कुकर (वय 42 ) असं मृत शेतकऱ्याचं नाव आहे.

Latur
नागपूर: सिलेंडर गोडाऊनमध्ये आग; आजूबाजूच्या झोपड्या जळून खाक (पाहा Video)

मिळालेल्या माहितीनुसार, व्यंकट कुकुरे यांच्या शेतात ऊसतोडीचे काम सुरू होते. गेल्या चार ते पाच दिवसांपासून त्यांच्या शेतात ऊसतोड कामगार उसाची तोडणी करत होते. ऊसतोड मजूर शेतात आल्यामुळे त्यांच्या पिण्याच्या पाण्याची सोय व्हावी यासाठी कुकरे हे विहिरीवर पाणी आणण्यासाठी गेले. अशातच विहिरीतून पाणी काढत असताना त्यांचा तोल गेला आणि ते विहिरीत पडले. विहिरीत जास्त पाणी असल्याने तसेच व्यंकट यांना पोहता येत नसल्याने त्यांचा पाण्यात बुडून मृत्यू झाला.

दरम्यान, घटनेची माहिती मिळताच पोलिसांनी तातडीने घटनास्थळी धाव घेतली. त्यानंतर व्यंकट यांचा मृतदेह विहिरीतून बाहेर काढत उत्तरीय तपासणीसाठी मुरुड येथील ग्रामीण रुग्णालयात पाठवण्यात आला. याबाबत मुरुड पोलीस ठाण्यात अकस्मात मृत्यूची नोंद करण्यात आली आहे. पुढील तपास बीट अंमलदार विष्णू चौगुले करीत आहेत. मयत व्यंकट यांच्या पश्चात आई, वडील, पत्नी, दोन मुली, एक मुलगा असा परिवार आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.