अकोला : अकोल्यामध्ये आज एसटी कर्मचाऱ्यांनी अनोख्या पद्धतीने आंदोलन करत सरकारचा लक्ष वेधण्याचा प्रयत्न केला आहे. अकोल्यात आगार क्रमांक १ वरील एसटी कर्मचाऱ्यांनी बसस्थानक परिसरात गाढवाचे पूजन करून मिरवणूक काढली आहे. गेल्या 30 दिवसापासून राज्यासह अकोल्यातील एसटी कर्मचाऱ्यांचे विलीनीकरणाच्या मागणीसाठी आंदोलन सुरू आहे.
हे देखील पहा-
दररोज कर्मचारी वेगवेगळ्या प्रकारे आंदोलन करत मागणी पूर्ण करण्यासाठी ठाम आहेत. अकोल्यात आज पर्यंत एकही बस आगरच्या बाहेर गेली नसून आंदोलन करत सरकारचा लक्ष वेधण्याचा प्रयत्न करीत आहेत. आज अकोल्यातील आगार क्रमांक १ वरील एसटी कर्मचाऱ्यांनी बसस्थानक परिसरात गाढवांना आणून त्यांची आरती ओवाळून पूजन करण्यात आले आहे. दरम्यान एसटी कर्मचाऱ्यांनी गाढवाची मिरवणूक काढत घोषणाबाजी करण्यात आली आहे.
जोपर्यंत मागणी मान्य होणार नाही, तोपर्यंत आंदोलन सुरूच ठेवण्याचा इशारा देण्यात आला आहे. आधीच कोरोनामुळे एसटी महामंडळ तोट्यात गेले आहे. त्यात एसटी कर्मचाऱ्यांनी मागील ४ आठवडे एसटी पूर्णपणे बंद ठेवल्यामुळे एसटी महामंडळाचे प्रचंड प्रमाणात नुकसान झाले आहे. त्यात राज्यातील प्रवाशांनाही प्रवासासाठी अडचणी येत आहेत. यामुळे राज्य सरकारने एसटी कर्मचाऱ्यांनी संप मागे घ्यावा, यासाठी सर्व प्रयत्न केले होते. मात्र, तरीही एसटी कर्मचाऱ्यांनी संप सुरुच ठेवला आहे.
Edited By- Digambar Jadhav
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.