सांगली : राज्यातील जलयुक्त शिवार कामांवर होत असलेले आरोप आणि चौकशीच्या पार्श्वभूमीवर माजी कृषी राज्यमंत्री सदाभाऊ खोत यांनी जलयुक्त शिवारातुन ओसंडून वाहणाऱ्या बंधाऱ्यात उतरत पाण्याचे पूजन करत महाविकास आघाडी सरकारला टोला लगावला आहे.
वाळवा तालुक्यातील मरळनाथपूर या ठिकाणी सदाभाऊ खोत यांनी देवेंद्र फडणवीसांच्या वाढदिवसाच्या निमित्ताने अनोख्या पद्धतीने जलयुक्त शिवार कामांचं स्वागत करत फडणवीस यांना वाढदिवसाच्या शुभेच्छा दिल्या आहेत.
हे देखील पहा -
राज्यातील युती सरकारच्या काळात झालेल्या जलयुक्त शिवार योजनेच्या कामात भ्रष्टाचार झाल्याचा आरोप करत महाविकास आघाडी सरकारकडून चौकशी लावण्यात आलेली आहे. या पार्श्वभूमीवर कृषी राज्यमंत्री सदाभाऊ खोत यांनी माजी मुख्यमंत्री देवेंद्र फडणवीस यांच्या वाढदिवसाचे औचित्य साधून जलयुक्त शिवाराच्या माध्यमातून झालेल्या कामांच्या ठिकाणी पाणी पूजन करत महाविकास आघाडी सरकारला टोला लगावला आहे.
वाळवा तालुक्यातल्या मरळनाथपूर या ठिकाणी जलयुक्त शिवारच्या माध्यमातून बांधण्यात आलेल्या बंधाऱ्यात उतरून ओसंडून वाहणाऱ्या पाण्याचे त्यांनी पूजन केले. तसेच राज्य सरकारकडून सुरू असलेल्या चौकशी वर बोलताना चौकशी काय करता, "भरलेल्या बंधाऱ्यात उड्या मारून पोहायला लागा, मग कळेल" असा टोला यावेळी आमदार सदाभाऊ खोत यांनी महाविकास आघाडी सरकारला लगावला आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.