नागपूर: नागपूरात (Nagpur) एका २८ वर्षीय विकृत तरुणाकडून तब्बल सात अल्पवयीन मुलांवर (Minor Boys) अत्याचार केल्याची संतापजनक घटना घडली आहे. हा विकृत तरुण आंबा, चिंच तोडण्याच्या बहाण्याने या लहान मुलांना लाडीगोडी लावून महाराजबाग परिसरात न्यायचा आणि तिथे निर्जनस्थळी नेऊन त्या अल्पवयीन मुलांवर अनैसर्गिक अत्याचार (Unnatural Sexual Assault) करायचा. यानंतर तो त्या अल्पवयीन मुलांना झालेल्या प्रकाराबाबत कुठेही वाच्यता केल्यास जीवे मारण्याची धमकी द्यायचा, त्यामुळे अनेक अल्पवयीन बालके त्याच्या अनैसर्गिक अत्याचाराला बळी पडली होती. मात्र आता त्याचा गुन्हा समोर आला आहे. (Unnatural Sexual Abuse of 7 Minor Boys In Nagpur)
हे देखील पाहा -
या विकृत तरुणाने ज्या ७ अल्पवयीन मुलांवर अनैसर्गिक अत्याचार केले होते त्यापेकी एका ९ वर्षांच्या मुलाने हिंमत करत आपल्या आई-वडिलांना झालेला सर्व प्रकर सांगितला. हे कळल्यावर पालकांच्या पायाखालची जमीनच सरकली. त्यांनी तात्काळ पोलीस स्टेशन गाठले आणि तक्रार दाखल केली. त्यानंतर पोलिसांनी या विकृत तरुणाविरोधात गुन्हा दाखल केला आहे. ही घटना वसंतराव नाईक झोपडपट्टी भागात उघडकीस आली असून त्या २८ वर्षीय विकृत तरुणाचं मयूर मोडक असं नाव आहे. सध्या तो फरार असून पोलीस त्याचा शोध घेत आहेत.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.