पेंग्विन सेना म्हणणाऱ्यांना आम्ही चित्ता पार्टी म्हणायचं का? वरुण सरदेसाईंचा भाजपला टोला

युवासेना नेते वरुण सरदेसाई यांनी देखील भारतात चित्ते आणण्यावरून भाजपवर (BJP) निशाणा साधला आहे.
varun sardesai
varun sardesaisaam tv

Varun Sardesai News : पंतप्रधान नरेंद्र मोदी यांच्या वाढदिवसाच्या दिवशी भारतात नामिबियावरून चित्ते आणण्यात आले. हे चित्ते मोदी सरकारने कुनो नॅशनल पार्कमध्ये सोडले आहे. हेच चित्ते भारतात आणण्यावरून विरोधी पक्षातील नेत्यांनी मोदी सरकारवर टीकेची झोड उठवली आहे. उद्धव ठाकरे यांनी मोदी सरकारवर टीका केली. त्यानंतर आता युवासेना नेते वरुण सरदेसाई यांनी देखील भारतात चित्ते आणण्यावरून भाजपवर (BJP) निशाणा साधला आहे.

varun sardesai
'उद्धव ठाकरेंकडे चांगली वाक्य नसतील तर...', चित्ता सरकारवरून नारायण राणेंची टीका

युवासेना सचिव वरुण सरदेसाई हे सध्या जालना जिल्ह्याच्या दौऱ्यावर आहेत. जालन्यात वरुण सरदेसाई यांनी प्रसारमाध्यमांशी संवाद साधला. त्यावेळी वरुणसरदेसाई यांनी मोदी सरकार आणि शिंदे गटावर जोरदार हल्लाबोल केला.

वरुण सरदेसाई म्हणाले, 'आदित्य ठाकरे यांनी मुंबईतील वीरमाता जिजाबाई भोसले उद्यानात पेंग्विन आणले यापासून पर्यटकांची गर्दी वाढून महापालिकेचं उत्पन्न वाढलं. मात्र, तेव्हापासून आम्हाला पेंग्विन सेना म्हणून डिवचले. आता यांनी चित्ते भारतात आणले आहे. त्यामुळे भाजपला आता 'चित्ता पार्टी' म्हणायचं का ? असा सवाल वरुण सरदेसाई यांनी भाजपला केला.

varun sardesai
Braking News : शिंदे गटाकडून भाजपलाच खिंडार; पक्षातील मोठे पदाधिकारी फोडले

दरम्यान, वरुण सरदेसाई यांनी केंद्रीय रेल्वे राज्यमंत्री रावसाहेब दानवे यांच्यावर देखील टीका केली. 'ज्या दिवशी निवडणुका होतील, त्या दिवशी गद्दार ४० आमदारांबरोबर किती भोकाचा पान्हा आहे हे त्यांनाही कळेल, असा टोला वरुण सरदेसाई यांनी केंद्रीय मंत्री रावसाहेब दानवे यांना लगावला.

`मुंबई महापालिका ही महराष्ट्राच्या अस्तित्वाची लढाई असून भाजप सत्तेत आल्यास अमराठी महापौर होईल आणि मुंबई महाराष्ट्रापासून तोडली जाईल, अशी शक्यता देखील वरुण सरदेसाई यांनी वर्तवली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com