जालना: बस आणि मालवाहू कंटेनरचा समोरासमोर धडक होऊन अपघात झाल्याची घटना जालना अंबड महामार्गावर गोलापांगरी गावाजवळ घडली आहे. या अपघातात दोन्ही चालक गंभीर जखमी झाले असून दहा ते बारा प्रवाशीही या अपघातात किरकोळ जखमी झाल्याची माहिती सामोर आली आहे.
हे देखील पहा -
महाराष्ट्र राज्य महामंडळाची बस क्रमांक एम एच-१४ बी.टी.२१९१ आज दुपारी दीड च्या सुमारास प्रवाशी घेण्यासाठी गोलपगारी रोड वरील बस स्टॉप वर थांबली असताना, भरधाव वेगाने येणारा मालवाहू ट्रॅक आणि मालवाहू कंटेनर एकमेकांना ओव्हरटेक करत असताना कंटेनर चालकाला रस्त्याचा अंदाज न आल्याने कंटेनर स्टॉपवर प्रवाशी घेत असलेल्या बसवर येऊन आदळल्याने हा अपघात घडला आहे. या अपघातात बस चालकासह कंटेनर चालकही गंभीर जखमी झाल्याने त्याला उपचरासाठी जिल्हा रुग्णालयात हलविण्यात आले आहे.
बसला जोरदार धडक बसल्याने बसमध्ये असलेले दहा ते बारा प्रवाशीही या अपघातात किरकोळ जखमी झाल्याने त्यांच्यावर गोलपांगरी येथील खाजगी दवाखान्यात प्राथमिक उपचार करण्यात आले आहे, सुदैवाने दोन्ही वाहनाचा वेग कमी असल्याने मोठा अनर्थ टळला आहे.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.