पंढरपूर : गावामध्ये मृतदेहांवर अंत्यसंस्कार करण्यासाठी स्मशानभूमी उपलब्ध नसल्याने पंढरपूर-कुर्डुवाडी रस्त्यावर रास्तारोको करत प्रशासनाचे लक्ष वेधण्यासाठी विठ्ठलवाडीच्या ग्रामस्थांनी अनोख्या पद्धतीने आंदोलन केले आहे. Villagers agitation for demand of cremation
हे देखील पहा -
पंढरपूर तालुक्यातील विठ्ठलवाडी गावातील स्मशानभूमीचा प्रश्न गेल्या अनेक वर्षांपासून प्रलंबित आहे. वर्षानुवर्षे मागणी करुन देखील येथे कायमीस्वरुपी स्माशनभूमीसाठी जागा मिळत नसल्याने ग्रामस्थ आक्रमक झाले आहेत.
आज विठ्ठलवाडीतील एका वृध्द महिलेचे निधन झाले. अंत्यसंस्कार कुठे करायचे असा प्रश्न निर्माण झाल्यानंतर मृत महिलेच्या नातेवाईकांनी व ग्रामस्थांनी चक्क मृतदेहाला रस्त्यावर बसवून रस्त्यावर बसवून आंदोलन सुरु केले आहे. सुमारे दोन तासापासून मृतदेह रस्त्यावर ठेवून ग्रामस्थांचे आंदोलन सुरु आहे.
आंदोलनामुळे पंढरपूर-कुर्डूवाडी मार्गावरील वाहतूक ठप्प झाली आहे. प्रशासनाला माहिती मिळाल्यानंतर येथील ग्रामस्थांची समजूत काढून आंदोलन मागे घेण्याची विनंती करण्यात येत आहे. जोपर्यंत ठोस आश्वासन दिले जात नाही तोपर्यंत आंदोलन मागे घेणार नाही. प्रसंगी रस्त्यावरच मृतदेहावर अंत्यसंस्कार करु असा इशारा येथील ग्रामस्थांनी दिला आहे. त्यामुळे प्रशासनापुढे पेच निर्माण झाला असून स्मशानभूमीसाठी तातडीने कार्यवाही करण्याची मागणी ग्रामस्थांनी केली आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.