Pandharpur News : 'या' प्रश्नाकडे सरकारचे लक्ष वेधण्यासाठी टाकळी ते मुंबई लाॅंगमार्च

Pandharpur : माढा (madha) तालुक्यातील टाकळी येथे आमदार फंडातून बांधण्यात आलेली सुमारे सात लाखांची व्यायाम शाळा फक्त कागदावर अस्तित्वात आहे. प्रत्यक्षात व्यायाम शाळा न बांधातच आर्थिक गैरव्यवहार झाला आहे. (Maharashtra News)

या प्रकरणाची चौकशी करून दोषी अधिकाऱ्यांवर कारवाई करावी या मागणीसाठी टाकळी येथील सामाजिक कार्यकर्ते दादासाहेब कळसाईत यांनी टाकळी ते मुंबई असा पायी ‌मोर्चा काढला आहे. मुंबईत पोचल्यानंतर मुख्यमंत्री एकनाथ शिंदे यांची भेट घेऊन ते त्यांना या विषयीचे निवेदन देणार आहेत.

सन 2018 साली राष्ट्रवादीचे आमदार बबनराव शिंदे यांच्या आमदार निधीतून व्यायाम शाळेच्या बांधकामासाठी सात लाख रूपये मंजूर झाले आहेत. संबंधित ठेकेदार आणि अधिका-यांनी बांधकाम न करताच निधी‌ हाडप केल्याचा आरोप दादासाहेब कळसाईत यांनी केला आहे. गावात कुठे व्यायाम शाळा बांधण्यात आली नाही असा ठराव ग्रामपंचायतीतीने दिला आहे. तरीही कारवाई केली जात नाही. यासाठी थेट मुख्यमंत्र्यांना (eknath shinde) भेटून कारवाईची मागणीसाठी पायी मोर्चा काढला आहे.

Edited By : Siddharth Latkar