तबरेज शेख
Nashik News : नाशिक शहरात गेल्या काही दिवसांपासून गुन्हेगारीने चांगलेच डोके वर काढले आहे. याचदम्यान, किरकोळ करणाहून नाशिकमध्ये एका 10 वीच्या विद्यार्थ्यावर कोयत्याने वार केल्याची धक्कादायक घटना घडली आहे. या घटनेने परिसरात एकच खळबळ उडाली आहे. (Latest Marathi News)
मिळालेल्या माहितीनुसार, नाशिकमधील (Nashik) काकासाहेब देवधर शाळेमध्ये दहावीच्या वर्गात शिकणाऱ्या ओम शिंदे या विद्यार्थ्याचा परीक्षेदरम्यान इतर काही विद्यार्थ्यांशी वाद झाला होता. हा वाद पहिल्या दिवशी मिटला.
मात्र, दुसऱ्या दिवशी त्या विद्यार्थ्यांनी (Students) व त्यांचे साथीदार अशा थेट 15 ते 20 जणांच्या घोळक्याने ओम शिंदे या विद्यार्थ्यावर 10 वीचा पेपर सुटल्यानंतर घरी जातेवेळी घेरून त्याच्यावर थेट धारदार शस्त्र आणि कोयत्याने हल्ला केला. यात ओम शिंदे हा गंभीर जखमी झाला आहे. तर त्यावर जिल्हा शासकीय रुग्णालयामध्ये (Hospital) अधिक उपचार सुरू आहे.
एकीकडे शहरात कोयता गँगची दहशत वाढताना दिसून येत आहे अगदी शाळकरी मुले सुद्धा मोहित्याने एकमेकांवर हल्ला करण्याची घटना घडल्याने शहरांमध्ये खळबळ उडाली आहे. शाळकरी मुलांमध्ये तेही दहावीच्या परीक्षेदरम्यान अशा पद्धतीने थेट कोयत्याने हल्ला होण्याची घटना घडल्याने पोलीस प्रशासना समोर मोठे आव्हान उभे राहिले आहे.
दरम्यान, या घटनेतील संशयितांचा पोलीस शोध घेत असून हल्लेखोरांवर कठोरातील कठोर कारवाई करावी अशी मागणी ओम शिंदे च्या नातेवाईकांनी केली आहे. नाशिकमधील वाढते गुन्हे नाशिककरांच्या चिंतेचा विषय बनला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.