Nashik: भद्रकाली पाठाेपाठ आनंदवलीत विद्यार्थ्याचा खून; पाेलीस तपास सुरु

- तबरेज शेख

नाशिक : नाशिक (nashik) शहरात सकाळीच भद्रकाली हद्दीत खुनाची घटना घडली असताना अवघ्या काही तासात दुसरी खुनाची घटना घडली आहे. यामुळे शहरात (city) भीतीचे वातावरण निर्माण झाले आहे. आनंदवली शिवारातील बेंडकुळे नगर येथे विपुल खैरे (vipul khaire) याचा खून करण्यात आला आहे. विपुल हा अभोणा येथे डी फार्मसीचे शिक्षण घेत असल्याची प्राथमिक माहिती समोर येत असून तो या परिसरात कसा आला याबाबत गुढ वाढले आहे. (Nashik latest Marathi news)

याबाबत पोलिसांनी (police) दिलेली माहिती अशी डिजीपी नगर येथील राहणारा विपुल रतन खैरे हा अभोणा येथे डी फार्मसीचे शिक्षण घेत होता. काही नागरीक फिरत असताना त्यांना दुचाकी व एक बॅग पडलेली दिसली. थोड्या अंतरावर पाहिले असता निर्जनस्थळी एक मृतदेह असल्याचे त्यांच्या लक्षात आले. त्यांनी तत्काळ पाेलीसांना याची माहिती दिली.

दरम्यान मृतदेहाच्या अंगावर खरचटल्याच्या खुना मिळून आल्या आहेत. पाेलीसांनी संबंधित युवकाच्या कुटुंबियांशी संपर्क साधला आहे. तो अभोणा येथे गेला होता. या ठिकाणी कसा अला यावर कुटुंबियांनी संशय व्यक्त केला आहे. मृतदेह शवविच्छेदनासाठी जिल्हा रुग्णालयात पाठविण्यात आला. या युवकाचा खून झाल्याचे अहवाल नुसार स्पष्ट झाले आहे. गंगापूर पोलिस ठाण्यात अज्ञातांवर खुनाचा गुन्हा दाखल करण्याचे काम सुरू आहे.

Edited By : Siddharth Latkar