CCTV Video: घरातून निघाला, लिफ्टचं बटन दाबलं अन् धाडकन कोसळला; धडधाकट व्यक्तीचा क्षणात मृत्यू

Viral Video: सध्याच्या धावपळीच्या काळात हृदयविकाराचा झटका येण्याचे प्रमाण वाढले आहे. अनेकदा जीमध्ये, खेळताना आणि चालत चालता लोकांचा मृत्यू झाल्याच्या बातम्या समोर येत आहेत. काही वेळा अशा घटनांचे व्हिडिओ देखील व्हायरल होतात. असाच एक व्हिडिओ सध्या व्हायरल होत आहे. या व्हिडिओत एका धडधाकट व्यक्ताचा क्षणात मृत्यू झाल्याचे दिसत आहे.

व्हायरल होत असलेल्या या व्हिडिओत तुम्ही पाहू शकता की एक व्यक्ती कामावर जाण्यासाठी घरातून बाहेर पडते, दरवाजा लावते आणि लिफ्टचं बटन दाबते. परंतु अचानक त्याला अस्वस्थ वाटू लागते आणि हवा मिळावी म्हणून तो खिडकीतून बाहेर डोकावून बघण्याचा प्रयत्न करतो. परंतु त्यानंतर काही सेकंदाच त्याचा मृत्यू होतो. ही संपूर्ण घटना अवघ्या काही मिनिटात घडते. (Viral video)

या घटनेचा व्हिडिओ सोशल मीडियावर व्हायरल होत आहे. लोक या व्यक्तीच्या मृत्यूवर आश्चर्य व्यक्त करत आहेत. एवढ्या धडधाकट व्यक्तीचा काही क्षणात मृत्यू होऊ शकतो यामुळे काही यूजर्स भीती व्यक्त करत सर्वांना काळजी घेण्याचे आवाहन करत आहेत. यापूर्वी देखील हृदयविकाराच्या झटक्याने मृत्यू झालेल्या अशा अनेक प्रसंगांचे सीसीटीव्ही फुटेज व्हायरल झाले आहेत. (Viral News)