virar News: विरारमधून एक धक्कादायक वृत्त हाती आलं आहे.विरारधील उसगाव येथे दगडाने ठेचून वृद्धाची हत्या केल्याची धक्कादायक घटना घडली आहे. विरार मांडवी पोलीस स्टेशन कार्यक्षेत्रातील उसगावात ही घटना घडली आहे. या घटनेने परिसरात एकच खळबळ उडाली आहे. (Latest Marathi News)
सूत्रांनी दिलेल्या माहितीनुसार, उसगाव येथील देसाई वाडी बस स्टॉप जवळ गुरुवारी सकाळी मृतदेह आढळला. सदर व्यक्तीचे नाव भिवा भिखा वायडा असे आहे. या वृद्धाचे वय ७५ असल्याची माहिती समोर आली आहे.
सदर घटनेची माहिती मिळताच मांडवी पोलीसांनी घटनास्थळी धाव घेतली. दरम्यान, मृतदेह ताब्यात घेतला व पोस्टमार्टमसाठी भाताणे येथे पाठविण्यात आला. सदर व्यक्तीची दगडाने ठेचून हत्या करण्यात आली असल्याचे निदर्शनास आले आहे.
नेमकं काय घडलं?
विरारच्या उसगाव येथील भिवा हे घरी काजूपाडा येथे जात असल्याचे सांगून बुधवारी सांधकाळी निघून गेले होते. रात्री अज्ञात व्यक्तींनी त्यांची हत्या केली. सकाळी त्यांचा मुलगा शोध घेत असताना उसगाव येथे मृतदेह आढळला. या घटनेनेने परिसरात घबराहाट पसरली आहे. याबाबत मांडवी पोलीस अधिक तपास करीत आहेत.
नांदेड जिल्ह्यातील मुदखेड तालुक्यातून एक भयानक घटना समोर आली आहे. गेल्या चार ते पाच दिवसांपासून बेपत्ता असलेल्या एका प्रेमीयुगुलाचा मृतदेह गोदावरी नदी काठावर आढळून आला.
मुगट गावातील नदीकाठी प्रेमीयुगुलाचा मृतदेह आढळला असून या घटनेने एकच खळबळ उडाली आहे. विकास धोंडिबा तुपेकर (वय २२ वर्ष) आणि ऋतुजा बालाजी गजले (वय १८ वर्ष) असं मृत प्रेमीयुगुलाचे नाव आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.