Wardha Crime News: धक्कादायक! प्रियकराचा लग्नास नकार; तरुणीने फिनाईल पीत खाल्ल्या ‘पॅरासिटेमॉल’च्या गोळ्या

Hinganghat News Update: आरोपीने लग्नाचे आमिष देत तिच्याशी शारीरिक संबंध प्रस्थापित केले. मात्र लग्नासाठी विचारले असता तरुणाने लग्न करण्यास नकार दिला.
Wardha Crime News
Wardha Crime NewsSaam tv

चेतन व्यास...

Hinganghat News: प्रेमप्रकरणानंतर लग्नास नकार दिल्याने निराश झालेल्या तरुणीने फिनाईल पिऊन आत्महत्येचा प्रयत्न केल्याचा धक्कादायक प्रकार समोर आला आहे. वर्धा जिल्ह्यातील हिंगणघाट येथे ही घटना घडली आहे. पीडितेच्या मृत्यूपूर्व बयाणावरुन आरोपीविरुद्ध अत्याचाराच्या कलमान्वये गुन्हा दाखल करण्यात आला आहे. या घटनेने शहरात चांगलीच खळबळ उडाली आहे. आरोपीचा शोध सुरु असल्याची माहिती पोलिसांनी दिली आहे. (Latest Marathi News Update)

Wardha Crime News
Sudhir Mungantiwar: उद्धव ठाकरेंनी या जन्मात नाही तर पुढच्या जन्मात... मुनगंटीवारांचा ठाकरेंवर पलटवार

याबाबत समोर आलेल्या माहितीनुसार, २२ वर्षीय पीडितेशी आरोपी अमन प्रकाश कोठारे (रा. तेलंगखेडी) याने जवळीक निर्माण करुन तिचा विश्वास संपादीत केला. तसेच तिला लग्नाचे आमिष देत तिच्याशी शारीरिक संबंध प्रस्थापित केले. मात्र पिडितीने लग्नासाठी विचारले असता तरुणाने लग्न करण्यास नकार दिला. ज्यामुळे तरुणीला मोठा धक्का बसला. या प्रकारानंतर पिडीतेने रागाच्या भरात फिनाईल पिऊन पॅरासिटेमॉलच्या २० गोळ्या व इतर गोळ्या खाऊन आत्महत्या करण्याचा प्रयत्न केला.

Wardha Crime News
Tiger Death: कोका अभयारण्यातील वाघाचा अचानक मृत्यू, नाल्यात कुजलेल्या अवस्थेत आढळला मृतदेह

दरम्यान, घटनेनंतर पीडितेला तत्काळ हिंगणघाट येथील उपजिल्हा रुग्णालयात उपचारार्थ दाखल करण्यात आले. सध्या तिची प्रकृती धोक्याबाहेर असून पोलिसांना दिलेल्या मृत्यूपूर्व बयाणात तिने झालेला प्रकार सांगितला. यावरुन हिंगणघाट पोलिसांनी आरोपी अमन कोठारे याच्याविरुद्ध अत्याचाराच्या कलमान्वये गुन्हा दाखल केल्याची माहिती दिली. (Crime News)

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com