विषारी सापाच्या दंशाने बहिण- भाऊ गंभीर; प्रकृती चिंताजनक

विषारी सापाच्या दंशाने बहिण- भाऊ गंभीर; प्रकृती चिंताजनक
Snake Bite
Snake BiteSaam tv

चेतन व्यास

वर्धा : जिल्ह्याच्या समुद्रपूर तालुक्यातील गिरड येथे बहिण– भावाला विषारी सापाने दंश केला. यात बहीण भावाची प्रकृती चिंताजनक असून वर्धेच्या सेवाग्राम येथील रुग्णलयाच्या (Hospital) अतिदक्षता विभागात दोघांवर उपचार सुरु आहे. मण्यार या विषारी सापाने दंश (Snake Bite) केल्याचा अंदाज व्यक्त केला जात आहे. सापाच्या दंशाने दोघांनाही अर्धांगवायूचा त्रास झाला. दोघांचीही प्रकृती चिंताजनक असून दोघेही सध्या व्हेंटिलेटरवर आहे. (Wardha News Snake Bite)

Snake Bite
Accident: अंत्‍यविधीवरून परतले अन्‌ झाला घात; दोन वर्षाच्‍या चिमुकलीचा मृत्‍यू

गिरड येथील पेठ (Wardha) परिसरात असलेल्या राजू नेहारे यांच्या 15 वर्षीय योगेश आणी 18 वर्षीय योगिता या दोघांना रविवारी रात्री सापाने दंश केला. रात्रीच्या गाढ झोपेत सापाने दोघांना दंश केला असावा. सोमवारी सकाळच्या सुमारास या दोघांना अचानक अशक्तपणा, चक्कर येणे आणी डोळ्याने काहीही दिसत नसल्याची बाब यांनी आपल्या पालकांना सांगितली.

अतिदक्षता विभागात उपचार सुरू

पालकांनी दोघांना गिरडच्या प्राथमिक आरोग्य केंद्रात उपचारसाठी नेले असता प्रकृती चिंताजनक असल्याने दोघांना सेवाग्राम रुग्णालयात रुग्णालयात पुढील उपचारासाठी पाठविण्यात आले. सध्या बहिण-भावावर सेवाग्राम येथील कस्तूरबा रुग्णालयातील अतिदक्षता विभागात उपचार सुरु असून त्यांची प्रकृती अद्यापही गंभीर असल्याची माहिती सेवाग्राम येथील कस्तुरबा रुग्णालयाचे वैद्यकीय अधीक्षक डॉ. श्रीप्रकाश कलंत्री यांनी दिली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com