Wardha News : वर्ध्यात भरधाव कंटेनरची इलेक्ट्रीक दुचाकीला धडक; २ तरुणांचा जागीच मृत्यू

वर्ध्यात भरधाव कंटेनरने समोरून येणाऱ्या इलेक्ट्रीक दुचाकीला जबर धडक दिल्याची घटना घडली.
wardha accident news
wardha accident news saam tv

चेतन व्यास, संजय राठोड

Wardha News : वर्ध्यात भरधाव कंटेनरने समोरून येणाऱ्या इलेक्ट्रीक दुचाकीला जबर धडक दिल्याची घटना घडली. या धडकेत दुचाकीवरील दोन्ही तरुणांचा जागीच मृत्यू झाल्याची घटना घडली आहे. हा अपघात नागपूर-हैदराबाद राष्ट्रीय महामार्गावर झाला आहे. (Latest Marathi News)

wardha accident news
Navale Bridge News: सावधान! पुढे नवले पूल आहे...; पुण्यात राष्ट्रवादीने लावलेल्या फ्लेक्सची चर्चा

मिळालेल्या माहितीनुसार, वर्धा (Wardha) जिल्ह्यातील नागपूर-हैदराबाद राष्ट्रीय महामार्गावर कंटेनरने समोरुन येणाऱ्या इलेक्ट्रीक दुचाकीला जबर धडक दिल्याची घटना घडली आहे. या भीषण अपघातात दुचाकीवरील दोन्ही तरुणांचा जागीच मृत्यू झाला आहे. विशेष म्हणजे इलेक्ट्रीकवरील दुचाकी जळून खाक झाली. धनराज शेषराव वासाड (२७), प्रितम जगदीश टेभुंळकर (२५) दोन्ही रा. हिंगणघाट असे मृतकांची नावे आहे.

मृतक धनराज आणि प्रितम हे दोघे बॅटरीवर चालणाऱ्या इलेक्ट्रीक दुचाकीने जामकडून नागपूरकडे जात होते. त्यावेळी खंडाळा शिवारात जामकडे भरधाव येणाऱ्या कंटेनरने दुचाकीला जबर धडक दिली. या भीषण अपघातात दोघांचाही जागीच मृत्यू झाला तर दुचाकी जळून कोळसा झाली. अपघाताची माहिती मिळताच पोलीसांनी अपघातस्थळी जात कंटेनर चालकास अटक केली. अपघातामुळे बराच वेळ महामार्गावरील दोन्ही बाजूची वाहतूक खोळंबली होती. पोलिसांनी जाम महामार्गावरील वाहतूक व्यवस्था सुरळीत केली.

wardha accident news
Leopard Viral Video: कल्याण पूर्वेच्या कोळसेवाडीत बिबट्याचा धुमाकूळ; २ नागरिकांसह ३ जनावरांवर हल्ला

यवतमाळमध्ये कार दरीत कोसळली; तीन गंभीर जखमी

यवतमाळच्या राळेगाव ते वडकी रस्त्यावर सावंगी पेरका या गावाजवळील वळणावर एक चार चाकी सात फूट दरीत कोसळल्याची घटना घडली आहे. सावंगी या गावाजवळील असलेल्या वळणावर ही घटना घडली आहे. या घटनेने परिसरात एकच खळबळ उडाली.

सावंगी या गावाजवळील असलेले वळण अत्यंत धोकादायक असून समोरील येणारे वाहन हे दिसून पडत नाही. तसेच या वळणावर कोणतेही दिशाफलक सुद्धा लावण्यात आलेले नाही. त्यामुळे हा अपघात झाल्याचे सांगण्यात येत आहे.

अपघातग्रस्त वाहनांमध्ये तीन प्रवाशी प्रवास करीत होते. तिघेही गंभीर जखमी झाले असून त्यांना पुढील उपचारासाठी यवतमाळ येथील शासकीय रुग्णालयात हलविण्यात आले आहे. या घटनेत कोणतीही जीवितहानी झालेली नाही.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com