वाशिम : राज्यभरात गौराईचा सण मोठ्या उत्साहात पारंपारिक पद्धतीने गौराईच्या मुर्त्यांची पूजा करून साजरा केला जातो. मात्र, वाशिम शहरातील सिंधुबाई सोनुने यांनी आपल्या दोन सुनांनाच गौराई म्हणून तीन दिवस पूजा करीत हा सण साजरा केला आहे. त्यामुळे सुनामध्येच गौराई पाहणाऱ्या सिंधूबाई यांच्या या आगळ्या वेगळ्या उपक्रमामुळे जिल्हाभरातून त्यांचं कौतुक होत आहे.
हे देखील पहा :
वाशिम शहरातील ड्रीम लॅन्ड सिटी येथे राहणार्या श्रीमती सिंधुबाई सोनुने यांनी गौरी पूजन सोहळा आपल्या दोन्ही सुनांची पूजा अर्चना करून त्यांना देवी स्वरुपात समजून साजरा केला. जिवंत चालत्या बोलत्या महालक्ष्मींचा अशा प्रकारे सोहळा साजरा करून समजापुढे आदर्श निर्माण केला. हा गौरी पूजन सोहळा पाहण्यासाठी नागरिक एकच गर्दी करीत आहेत. सासू आणि सुना यांच्या मधील सलोखा आणि जिव्हाळा कायम राहावा असा आपला उद्देश असल्याचे सिंधुबाई सोनुने म्हणतात.
आजकाल घराघरात सासू आणि सुनेच भांडण आपण नेहमीच बघतो. मात्र, वाशिम जिल्ह्यात अशी एक सासू आहे. ज्या सासुबाईन आपल्या दोन्ही सुनेच चक्क गौराईच्या मंडपात बसवून त्यांना गौरीच रूप देत गौराई आगमनापासून ते विसर्जनापर्यंत त्यांची पूजा करत सण साजरा केला आहे. सासूबाईच्या या प्रेमाचा आम्हाला अभिमान आहे असं दोन्ही सुनांनी सांगितलं.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.