- शुभम देशमुख
Bhandara News : भंडारा जिल्ह्यातील लाखांदूर (lakhandur water scarcity) तालुक्यातील मडेघाट गावकऱ्यांना गेल्या दीड महिन्यांपासून कृत्रिम पाणीटंचाईला सामाेरे जावे लागत आहे. त्यामुळे महिलांना भर उन्हात बोरवेलचे पाणी भरावे लागत आहे. प्रशासनाने तातडीने या प्रश्नाची दखल घेऊन मार्ग काढावा अशी अपेक्षा ग्रामस्थांची आहे. (Maharashtra News)
मडेघाट गावात पिण्याच्या पाण्यासाठी जिल्हा परिषदेच्या ग्रामीण पाणीपुरवठा योजनेअंतर्गत गावात दीड लाख लिटर क्षमतेची पाण्याची टाकी उभारण्यात आली. गावात २८० नळ कनेक्शन देखील देण्यात आले. पण गावातील काही नागरिक नळाला मोटर पंप लावून पाणी खेचून घेतात. परिणामी अन्य गावकऱ्यांच्या नळाला पाणीच (water) मिळत नाही.
गेल्या दीड महिन्यांपासून गावकरी कृत्रिम पाणीटंचाईचा सामना करीत आहेत. मागील ३-४ वर्षांपूर्वी गावातील टाकीत लाखांदूर येथील चुलबंद नदीपात्रातून पाण्याचा उपसा करून पाणी घेतले जायचे.
त्यावेळी पाईपलाईन व्यवस्थित नसल्याने योजनेतून गावातच बोरवेल तयार करण्यात आली. आता त्यातूनच गावच्या टाकीत पाणी येते. गावातील उंच भागात असलेल्या वार्ड क्रमांक एक व वार्ड क्रमांक दोन मधील काही भागात पाणीच पोहोचत नाही. त्यामुळे महिलांना भर उन्हात बोरवेलच्या पाण्याचे साह्य घ्यावे लागते.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
