मुंबई : गेल्या तीन ते चार दिवसांपासून राज्यातील विविध भागात पावसाने (Rain) उसंत घेतली. त्यामुळे अनेक भागात नद्यांना आलेल्या पुराच्या पाण्यात काही प्रमाणात घट झाली. मात्र असं असलं तरी, पुन्हा एकदा राज्यात मुसळधार पाऊसाची शक्यता (Weather Update) वर्तवण्यात आली. येत्या दोन ते तीन दिवसांत राज्यातील विविध भागात मुसळधार पाऊस पडेल असा अंदाज हवामान विभागाने वर्तविला आहे. (Weather Update In Maharastra)
जून महिन्यात महाराष्ट्राकडे पाठ फिरवणाऱ्या पावसाने जुलै महिन्यात जोरदार पुनरागमन केलं. जुलै महिन्याच्या पहिल्या दोन आठवड्यात राज्यातील विविध भागात पावसाने जोरदार हजेरी लावली. मुसळधार पावसामुळे राज्यातील अनेक भागांमध्ये पूर परिस्थिती निर्माण झाली. मात्र, गेल्या काही दिवसांपासून पावसाने उसंत घेतली होती. आता पुन्हा एकदा पावसाचा जोर वाढत असल्याचं पाहायला मिळत आहे.
हवामान विभागाने जारी केलेल्या अंदाजानुसार, राज्यातील विविध भागात पुढील 3 दिवसात मुसळधार पावसाची शक्यता वर्तवण्यात आली आहे. त्यामुळे पुढचे 3 दिवस राज्यात पुन्हा एकदा पावसाचा जोर वाढणार आहे. विदर्भात पुढील दोन दिवस मुसळधार पावसाचा इशारा हवामान विभागाने दिला आहे. नागपूर, गडचिरोली, चंद्रपूर, गोंदिया या जिल्ह्यांमध्ये जोरदार पावसाचा अंदाज हवामान विभागाने वर्तवला आहे. (Todays Weather Update)
याशिवाय मराठवाडा आणि उत्तर महाराष्ट्रातील काही भागात पावसाचा अलर्ट देण्यात आला आहे. दुसरीकडे मुंबई, ठाणे भागात हलक्या ते मध्यम पावसाची शक्यता वर्तवण्यात आली आहे. दरम्यान यंदाच्या मुसळधार पावसामुळे महाराष्ट्रात जुलैच्या तिसऱ्या आठवड्याच्या अखेरीस आठ लाख हेक्टर जमिनीवरील पिकांचे नुकसान झाले आहे. पिकांचे नुकसान विखुरलेले आणि काही जिल्ह्यांपुरते मर्यादित असले तरी, सततच्या पावसाने त्यात वाढ होण्याची शक्यता आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.