Weather Forecast: गारपीटीनंतर आता विदर्भाला उन्हाचे चटके! तापमान 45 पार जाण्याची शक्यता

Vidarbha temperature: विदर्भात एप्रिल आणि मे महिन्याच्या सुरुवातीला पावसाने झोडपल्यानंतर आता मात्र कडक उन्हाळ्याला सुरुवात झाली आहे. दरवर्षी विदर्भात मे महिन्यात सर्वाधिक तापमानाची नोंद होत असते. यावर्षीयी आता तापमान 45 अंशावर जाण्याचा अंदाज हवामान खात्याने व्यक्त केला आहे.

यंदा एप्रिल महिन्याच्या मध्यात विदर्भाचं तापमान 43 अंशावर गेलं होतं. यंदाचा उन्हाळा चांगलाच तापणार असा अंदाज होता. मात्र अचानक वातावरणात बदल होत पाऊस सुरू झाला. जवळपास 15 दिवस सलग पाऊस पडला. या पावसामुळे हवेत गारवा निर्माण झाला आणि 43 अंशावर गेलेलं तापमान 35 अंशावर आलं.

त्यामुळे काही दिवस उन्हाच्या चटक्यांपासून नागरिकांना दिलासा मिळाला. एप्रिल महिन्यात गेल्या 10 वर्षातील सर्वाधिक पाऊस आणि थंड दिवसांची नोंद झाली. मात्र, आता पावसाळी वातावरण निवळलंय आणि पुन्हा उन्ह तापायला लागलंय. पुढील दिवसांत विदर्भातील तापमान 45 अंशावर जाईल असा इशारा हवामान खात्यानं दिला आहे. (Weather Forecast)

मान्सूनबाबत आली मोठी अपडेट

यंदा देशात सरासरीपेक्षा पाऊसमान कमी राहणार असल्याचा अंदाज सोमवारी स्कायमेटनं वर्तवला होता. मात्र आता हवामान तज्ज्ञांनी एक चिंता व्यक्त केली आहे. राज्यात होत असलेल्या अवकाळी पावसामुळे मान्सूनवर परिणाम होण्याची शक्यता वर्तवण्यात येत आहे. हीच स्थिती आणखी काही दिवस कायम राहिल्यास पर्जन्यमानावर परिणाम होण्याची शक्यता आहे. (Latest Marathi News)