Chandrapur Crime News : चंद्रपूर शहरात एक धक्कादायक हत्या प्रकरण उघडकीस आले आहे. शिक्षक(Teacher) प्रियकराच्या मदतीने पत्नीने आजारी असलेल्या पतीची हत्या केल्याची घटना घडली आहे. या घटनेने चंद्रपूर (Chandrapur) शहरात एकच खळबळ उडाली आहे. या प्रकरणी पोलिसांचा पुढील तपास सुरू आहे. (Chandrapur Crime News In Marathi )
मिळालेल्या माहितीनुसार, शहरातील बालाडी वार्ड या घनदाट वस्तीत राहणाऱ्या मनोज रासेकर यांच्या पत्नीचे स्वप्निल गावंडे नामक शिक्षकाशी प्रेमसंबंध होते. यात वारंवार आजारी राहणारा पती अडसर ठरत होता. पतीचा काटा काढण्यासाठी दोन्ही आरोपींनी कट रचला. कटाप्रमाणे रात्रीच्या सुमारास घराचे दार मोकळेच ठेवले गेल्याने आरोपी शिक्षक-प्रियकर घरात शिरला. त्याने उशीने तोंड दाबून पतीची हत्या केली. आरडाओरडा झाल्याने दुसऱ्या खोलीत असलेली मनोजची आई घटनास्थळी पोचली.
मनोजची आई घटनास्थली आल्याने आरोपींनी प्लॅन 'बी' वापरत घटनेला लुटीचे स्वरुप दिले. घरातल्या कपाटातील सोने आणि वृद्ध आईच्या गळ्यातील सोन्याची पोत देखील शिक्षक आरोपीने धमकावून लांबवत घरातून पळ काढला. त्यानंतर सकाळी पत्नीने चोरी व मृत्यूबाबत पोलिसांत तक्रार दिली.
पोलिसांनी संपूर्ण घटनाक्रम समजून घेत मोबाईल कॉल डिटेल्स व गुप्त माहितीच्या आधारे आरोपींची ओळख पटविली. या हत्येच्या घटनेने परिसरात खळबळ उडाली आहे. आरोपी शिक्षक चंद्रपुरातील नामांकित शाळेत शिक्षक आहे. आपल्या पतीचा आजारपणात मृत्यू झाला. असा एकूण कट पत्नीने रचला होता. मात्र, तो असफल ठरला.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
