Sangli News: सुट्टी नाकारल्याने पत्नीनं झोपून केलेलं आंदोलन राज्यभर गाजलं; आता एसटी प्रशासनाकडून पतीचं निलंबन, कारण...

Sangli News: विलास कदम असे या एसटी चालकाचे नाव आहे.
Sangli
Sangli Saam TV

विजय कदम

सांगली : पतीला सुट्टी दिली नाही म्हणून पत्नीने चक्क एसटी आगारातच आंदोलन केल्याची घटना काही दिवसांपूर्वी घडली होती. सांगलीच्या आटपाडी येथील एसटी आगार प्रमुखांच्या केबिनसमोर झोपून महिलेने आंदोलन केलं होता. मात्र आता त्या एसटी कर्मचाऱ्यांवर थेट निलंबनाची कारवाई करण्यात आली आहे. (Sangli News)

एसटी चालवत असताना मोबाईलवर संभाषण केले म्हणून ही कारवाई करण्यात आली आहे. विलास कदम असे या एसटी चालकाचे नाव आहे.

Sangli
Political News: लव्ह जिहादच्या मुद्द्यावरुन नितेश राणे-अबू आझमींमध्ये बाचाबाची; विधीमंडळाच्या आवारातील व्हिडीओ आला समोर

सांगली आटपाडी येथील एसटी आगारामध्ये विलास कदम एसटी चालक म्हणून गेल्या 33 वर्षांपासून कार्यरत आहेत. त्यांच्या पत्नी आजारी असल्याने त्यांनी 12 व 13 मार्च रोजी सुट्टी मिळावी म्हणून अर्ज केला होता. मात्र तो अर्ज वरिष्ठांनी नाकारत सुट्टी देण्यास नकार दिला.

सुट्टी न मिळाल्याने विलास कदम हे ड्युटीवर निघून गेले. मात्र पतीला सुट्टी देत नसल्याच्या कारणातून चालक कदम यांच्या पत्नी नलिनी कदम यांनी थेट आटपाडी एसटी आगार प्रमुखांच्या केबिन समोर झोपून आंदोलन केलं होतं. (Latest News Update)

Sangli
Anil Parab : अनिल परब यांना मोठा दिलासा; अटकेच्या कारवाईसंदर्भात मुंबई हायकोर्टाचे EDला आदेश

या घटनेनंतर आता एसटी प्रशासनाकडून एसटी चालक कदम यांच्यावर देखील कारवाई करण्यात आली आहे. विलास कदम यांना सेवेतून तडकाफडकी निलंबित करण्यात आले आहे. एसटी चालवत असताना मोबाईलवर बोलल्याचा ठपका त्यांच्यावर ठेवण्यात आला आहे. एसटी विभागीय वाहतूक अधिकाऱ्यांनी ही निलंबनाची कारवाई केली आहे.

पुढील आदेश येईपर्यंत कदम यांनी रोज सकाळी दहा वाजता एसटी आगारात येऊन हजेरी लावून, कार्यालयीन वेळेत एसटी आगार प्रमुखाच्या परवानगी शिवाय मुख्यालय सोडून जाऊ नये, असे आदेश जारी करण्यात आले आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com