बाब्बो, लातुरात पतीची संपत्ती लाटण्यासाठी पत्नीचा गजब कारनामा!

लातूर : पैशासाठी कोण काय करेल याचा काही नेम नाही. संपत्ती लाटण्यासाठी पत्नीने पतीचे थेट मृत्यूपत्र काढल्याचा धक्कादायक प्रकार उदगीर (Udgir) शहरात घडला आहे. पत्नी मागील काही दिवसांपासून आपल्या पतीपासून विभक्त झालेली होती. या प्रकरणात पत्नी आणि नगरसेवकासह एकूण सात जणांविरोधात गुन्हा (Case) दाखल करण्यात आला आहे. उदगीर शहर पोलिस पुढील तपास करत आहेत.

हे देखील पहा :

उदगीर नगर पालिकेच्या हद्दीत परमेश्वर केंद्रे राहतात. मात्र मागील काही दिवसांपासून पत्नी (Wife) राजश्री केंद्रे यांच्यापासून विभक्त राहतात. याच विभक्त असलेल्या पत्नीने आपल्या पतीची (Husband) संपत्ती (Property) हडपण्यासाठी मोठा कट रचला. या महिलेले आपला पती जिवंत असताना त्यांचा मृत्यू झाल्याचे भासवत उदगीर नगर पालिकेमधून पतीच्या नावाचे मृत्यूपत्र काढले.

वारसा प्रमाणपत्र काढण्यासाठी या महिलेने पतीचा म्हणजेच परमेश्वर केंद्रे यांचा मृत्यू (Death) झाल्याचा बनाव केला. मात्र, हा प्रकार समोर आल्यामुळे या महिलेचे बिंग फुटले. तसेच या प्रकरणात पत्नी राजश्री केंद्रे यांच्याविरोधात पोलिसात (Police) तक्रार दाखल करण्यात आली आहे. राजश्री यांच्यासोबतच नगरसेवकासह एकूण सात जणांविरोधात गुन्हा दाखल करण्यात आला आहे. पोलीस या प्रकरणात पुढील तपास करत आहेत.

Edited By : Krushnarav Sathe