उसाच्या ढिगाऱ्याखाली दबून झोपेतच महिलेचा मृत्यू

पाथरी - बाभळगाव येथील एका शेतकऱ्याचा ऊस माजलगाव येथील खाजगी साखर कारखान्याला गळपास जात होता. त्यावेळी ऊस घेऊन जाणारा भरधाव ट्रॅक्टरचे नियंत्रण सुटल्याने रस्त्याच्या बाजूच्या घरावर उलटल्याची घटना घडली आहे. आज सकाळी 5 वाजता तालुक्यातील बाभळगाव येथे ही घटना घडली आहे.

हे देखील पहा -

अचानक अंगावर कोसळलेल्या उसाच्या मोळ्यांने गाढ झोपेत असलेल्या आजी नातीला हालचाल करता आली नाही. या अपघातात उसाच्या ढिगाऱ्याखाली दबून घराती झोपलेल्या एका 55 वर्षीय महिलेचा मृत्यू झाला आहे. तर 8 वर्षीय मुलगी गंभीर जखमी झाली आहे.

या अपघाताची माहिती मिळताच ग्रामस्थांनी अपघातस्थळी धाव घेऊन घरावर पडलेल्या उसाच्या मोळ्या बाजूला काढल्या. मात्र, तोपर्यंत पारुबाई पवार यांचा मृत्यू झाला होता. तर त्यांची नात शिवानी जाधव गंभीर जखमी झाली असून तिच्यावर परभणी येथील रुग्णालयात उपचार सुरु आहे. या घटनेत आणखी एक महिला पुष्पा पवार सुदैवाने बचावली आहे.

Edited By - Shivani Tichkule