नंदुरबार: शहादा तालुक्यातील शेवटचं गाव गोणोर (Gonor) अगदी मध्यप्रदेश (Madhaya Pradesh) राज्याच्या सीमेला लागून आहे. मध्यप्रदेश राज्यातून मोठ्या प्रमाणावर अवैध दारूसाठा (Illegal stockpiling of liquor) विक्रीसाठी गावात येत असतो त्याच प्रकारे हातभट्टीची दारू देखील गावात (Nandurbar) तयार होत असल्याने अनेक परिवारांचा संसार दारूमुळे उध्वस्त होत आहे. गावात दारूबंदी (Alcohol Ban) व्हावी अशी मागणी वारंवार ग्रामपंचायत सभेत सरपंच व प्रशासनाकडे केली आहे.
हे देखील पहा -
अनेकदा दारुबंदीची मागणी करुनही दारूबंदीवर तोडगा निघत नसल्याने बचत गटाच्या महिलांनी युवकांना सोबत घेत हातात लाठ्या-काठ्या घेऊन दारूबंदीचा नारा दिला तसेच सर्व हातभट्टीची दारू नष्ट करण्याची मोहीम राबवली. प्लास्टिक पिशवी आणि रबरी ट्यूबमध्ये ठेवलेली दारू सदर महिला आणि युवकांनी जमिनीवर ओतून नष्ट केली. दारूबंदीसाठी महिला आणि युवकांचा ताफा बघून अवैध दारू व्यवसायिकांना चांगलाच घाम फुटला होता.
दरम्यान गावात अवैध पद्धतीने दारूविक्री करणाऱ्या नागरिकांना चौकात बोलून भर सभेत पूर्णपणे दारूबंदी करण्याचा सज्जड इशारा दिला. गावाच्या विकासासाठी महिला आणि युवकांनी घेतलेल्या या दारूबंदीच्या पुढाकाराचे सर्वत्र कौतुक होत आहे. विशेष म्हणजे पोलिस प्रशासनाच्या अनुपस्थित दारू नष्ट करून सभेद्वारे नागरिकांना दारूबंदीचा दिलेला आदेश पाळण्यासाठी पोलिस प्रशासनानेदेखील मदत करावी अशी मागणी केली जात आहे.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
