Nagpur News: नागपूर हादरलं! तीन नराधमांकडून महिलेवर सामूहिक अत्याचार

नागपूर : नागपूरमध्ये महिलेवर तिघांनी सामूहिक बलात्कार करुन तिची हत्या केल्याची धक्कादायक घटना समोर आली आहे. नागपूर जिल्ह्यातील खापा पोलीस ठाण्यांतर्गत सुरेवानी गावात ही घटना घडली आहे. तीनही आरोपींना पोलिसांना अटक केली आहे.

मिळालेल्या माहितीनुसार, महिला शेतात कापूस वेचण्यासाठी गेली होती. महिला शेतात एकटी असल्याचं पाहून तीन नराधम तिच्याकडे गेले. जवळपास कुणी नाही हे पाहून तिघांनी महिलेकडे शरीरसुखाची मागणी केली. मात्र महिनेने विरोध केल्यानंतर तिघांनी महिलेला मारहाण करत सामूहिक बलात्कार केला.  (Latest Marathi News)

तीनही नराधम बलात्कार करेपर्यंतच थांबले नाहीत. महिलेवर अत्याचार केल्यानंतर त्यांची तिची कुऱ्हाडीने वार करून हत्या केली. मृत्यू झाल्यावरही महिलेवर बलात्कार केल्याचा घृणास्पद प्रकार आरोपींनी केला आहे.

पोलिसांनी तीनही आरोपींना अटक केली आहे. नागपूर पोलीस अधिक तपास करत आहेत.