अमर घटारे
Political News: काँग्रेसचे प्रदेशाध्यक्ष नाना पटोले यांच्या विरोधात काँग्रेसचा एक गट पक्षश्रेष्ठींकडे गेला आहे. नाना पटोले यांच्या विषयी काही तक्रारी यावेळी करण्यात आल्या आहेत. या सर्वांमुळे काँग्रेसमधील अंतर्गत वाद पुन्हा एकदा चव्हाट्यावर आला आहे. अशात आता माजी महिला व बालकल्याण मंत्री यशोमती ठाकूर यांनी देखील यावर आपली प्रतिक्रिया देत सुतोवाच केलं आहे. (Latets Marathi News)
प्रदेशाध्यक्ष श्रेष्ठ असतात त्याबाबत आपल्याला बोलायचे नाही. मात्र येवढेच आहे की सर्वांना मिळवून घेतले तर पक्षाचा आणखी परफॉर्मन्स वाढेल, अशी सूचक प्रतिक्रिया काँग्रेस नेत्या यशोमती ठाकूर (Yashomati Thakur) यांनी काँग्रेसच्या अंतर्गत वादावर दिली आहे.
पटोले यांना अध्यक्ष पदावरून हटवण्याची मागणी
नाना पटोले यांना हटवण्याची विनंती केली जात आहे. यासाठी राज्यातील माजी मंत्री विजय वडेट्टीवार, सुनील केदार, मुंबई काँग्रेसचे माजी अध्यक्ष संजय निरूपम, राष्ट्रीय सचिव शिवाजीराव मोघे यांच्यासह अनेक नेते दिल्लीत दाखल झालेत. येथे त्यांनी काँग्रेस अध्यक्ष मल्लिकार्जुन खरगे यांची भेट घेतली आहे.
भारतीय राष्ट्रीय काँग्रेस व काँग्रेस (Congress) यांच्या कार्यकारिणीचे गठण झाल्यावर तातडीने महाराष्ट्राबाबत विचार केला जाईल आणि योग्य तो निर्णय देण्यात येईल, असं काँग्रेस अध्यक्षांनी म्हटलं आहे. काँग्रेसमध्ये सुरु असलेल्या या अंतर्गत वादाचा शेवट काय होणार हे पाहणं महत्वाचं ठरणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
