Yavatmal News: कोळशाची अवैध तस्‍करी; ८ ट्रक केले जप्‍त, यवतमाळ पोलिसांची मोठी कारवाई

यवतमाळ : केंद्र शासनाचा कर बुडवून कोळशाची अवैधरीत्या वाहतूक सुरू होती. अशा अवैध कोळशाची तस्करी करण्याऱ्यांविरुद्ध यवतमाळ (Yavatmal) पोलिसांची मोठी कारवाई केली आहे. यात तब्‍बल आठ कोळश्‍याचे ट्रक जप्‍त केले आहेत. (Letest Marathi News)

यवतमाळ जिल्‍ह्यातील वणी- मुकुटबन मार्गावरून कोळशाची अवैधरीत्या वाहतूक सुरू असल्याची माहिती वणीचे ठाणेदार प्रदीप सिरस्कर यांना मिळाली होती. या माहितीनुसार पोलिसांनी सापळा रचत बुधवारी सकाळी वणीकडे कोळश्‍याने भरलेले आठ ट्रक पोलिसांनी अडविले. या ट्रकची झडती घेतली असता, यात कोळसा असल्‍याचे आढळून आले. यानंतर पोलिसांनी सर्व ट्रक ताब्यात घेतले आहेत. या कारवाईने कोळसा व्यावसायिकांत चांगलीच खळबळ उडाली आहे.

कोट्यावधीचा कर बुडवून वाहतूक

पोलिसांनी जप्त केलेल्या ट्रकची किंमत दोन कोटी २१ लाख रुपये आहे. तर या ट्रकमध्ये २० लाख ८० हजारांचा कोळसा भरून होता. मुख्‍य म्‍हणजे केंद्र सरकारचा कोट्यावधी रुपयांचा कर बुडवून अवैधरित्या कोळशाची तस्करी करणारे 8 ट्रक पोलीसांनी जप्‍त केले आहेत.

सीबीआय चौकशीची मागणी

या व्यवसायातील मोठे मासे गळाला लागण्याची शक्यता वर्तविली जात आहे. तरी देखील यवतमाळ पोलीस या प्रकरणी ट्रान्सपोर्टर किशोर अग्रवाल आणि BS इसपात LTD कंपनीच्या लोकांची चौकशी करणार असल्‍याची सूत्रांनी माहिती आहे. तर स्थानिकांकडून या प्रकरणी सीबीआई चौकशीची मागणी केली जात आहे.