अशीवेळ कोणावरही येऊ नये; घरी परतलेल्या विद्यार्थ्यांनी मत

संजय राठोड

यवतमाळ : युक्रेन–रशिया यांच्‍यातील युद्धाने युक्रेनमधील वातावरण तणावाचे होते. हल्‍ले सुरू झाल्‍याने कधी व कुठे बॉम्‍ब पडेल हे सांगता येत नव्‍हते. यामुळे मनातून खुप हादरलो होतो; अगदी जीव मुठीत धरून होतो. यावेळी घरचे कायम संपर्कात होते; तरीही त्‍‍यांची खुप आठवण यायची. आता घरी सुखरूप परतलो असलो तरी अशी वेळ कोणावरही येवू नये; अशी प्रतिक्रीया युक्रेनहून परतलेल्‍या (Student) विद्याथ्‍र्यांनी ‘साम’शी बोलताना दिली. (yavatmal news Three students returned home from Ukraine)

युक्रेनच्या (Ukraine) चेर्निवत्सिमधील बुको विनीयन स्टेट मेडिकल युनिव्हर्सिटी या ठिकाणी वैद्यकीय शिक्षणासाठी गेलेल्या दिग्रस येथील तीन विद्यार्थी सोमवारी सायंकाळी सुखरुप मायदेशी परत आले. तर अजूनही दोन अडकून पडले आहे. तर एकजण पोहोचण्याच्या मार्गावर आहेत. युक्रेनवरून दिग्रस येथे (Yavatmal News) आलेले विद्यार्थी ऋषीकेश राठोड, प्रतीक्षा जाधव, हिमांशू पवार यांनी युक्रेन आणि रशिया हल्ला दरम्यान आलेला अनुभव 'साम टिव्ही'शी बोलताना शेअर केला.

आणखी तीन विद्यार्थी परतीच्‍या प्रवासात

तीन विद्यार्थी आपल्या घरी सुखरुप परत आले आहेत. मात्र अद्यापही तीन विद्यार्थी परतीच्या प्रवासात असल्याने त्यांच्या पालकांचा जीव टांगणीला लागला आहे. गेल्या काही (Ukraine Russia war) दिवसांपासून युक्रेन आणि रशियामध्ये युद्ध सुरू आहे. जिल्ह्यातील सात विद्यार्थी युक्रेनमध्ये एमबीबीएस शिक्षण घेत होते.