धक्कादायक! बारावीत ६५ टक्के गुण मिळूनही विद्यार्थिनीने उचलले टोकाचे पाऊल

यंदा राज्यात बारावीच्या निकालात मुलींनी बाजी मारली आहे.
धक्कादायक! बारावीत ६५ टक्के गुण मिळूनही विद्यार्थिनीने उचलले टोकाचे पाऊल
Yavatmal News PoliceSaam Tv

संजय राठोड

यवतमाळ: यवतमाळमधून (Yavatmal) एक धक्कादायक बातमी समोर आली आहे. काल बारावीचा निकाल ऑनलाईन हाती आला. यवतमाळमध्ये सेजल अनिल सालुकर (वय-१८) या विद्यार्थ्यिनीने अपेक्षित गुण न मिळाल्याने आत्महत्या केल्याची माहिती समोर आली आहे. ही घटना वणी येथील लालगुडा परिसरात घडली. तिच्या आत्महत्येने परिसरात हळहळ व्यक्त होत आहे.

बारावीमध्ये ६५ टक्के गुण मिळूनही तिचा भ्रमनिरास झाला होता. यामुळे ती नैराश्यात गेली होती. नैराश्यात तिने घरीच गळफास घेऊन आत्महत्या केली. तिला ६५ टक्क्यांपेक्षा जास्त गुणांची अपेक्षा होती, पण कमी गुण पडल्याने ती नैराश्यात गेली.

Yavatmal News Police
धक्कादायक! दुपारी बारावीचा ऑनलाइन निकाल पाहिला; युवकाने उचललं टोकाचं पाऊल

मिळालेल्या माहितीनुसार, सेजल ही बारावीत शिकत होती. तिने बारावीमध्ये जास्त गुण मिळवण्यासाठी प्रयत्न केले होते. काल निकाल होती आला, यावेळी तिला अपेक्षित गुण मिळाले नाही. यामुळे ती नैराश्यात गेली. आज तिने घरीच गळफास घेत आत्महत्या केल्याचे समोर आले आहे.

काल पुण्यातही एका विद्यार्थ्याची आत्महत्या

पुण्यातील निखिल नाईकचाही आज बारावीचा ऑनलाइन निकाल (Result) होता. या ऑनलाइन निकाल पत्रिकेत त्याला नापास झाल्याचे समजताच मोठा धक्का बसला. त्यामुळे निखिलने इमारतीच्या वरच्या मजल्यावर जाऊन उडी मारत आत्महत्या केली आहे. या घटनेने परिसरात हळहळ व्यक्त करण्यात येत आहे.

Yavatmal News Police
सिद्धू मुसेवाला हत्या प्रकरण: पुण्यातील शार्पशूटर सौरव महाकाळच्या मुसक्या आवळल्या

मिळालेल्या महितीनुसार, निखिल हा गरवारे महाविद्यालयात वाणिज्य शाखेचे शिक्षण घेत होता. बारावीचा ऑनलाईन निकाल लागणार हे समजल्यावर निकालाबाबत तो खूपच उत्सुक होता. दुपारी एकच्या सुमारास ऑनलाईन निकाल पत्रिकेत नापास झाल्याचे समजले. त्यामुळे त्याला मोठा धक्का बसला. ताण-तणावात त्याने इमारतीच्या वरच्या दिशेने जाऊन वरून उडी मारली. त्यावेळी खाली उभ्या असलेल्या शेखर लहू लोणारे यांच्या अंगावर पडला.यामध्ये लोणारे गंभीर जखमी झाले. तर निखिलचा जागीच मृत्यू झाला. लोणारे यांना जवळच्या रुग्णालयात दाखल करण्यात आले आहे.

आई-वडिलांना बसला जबर धक्का

क्रिकेटची आवड असलेल्या निखिलने शरीर सृदृढ ठेवण्यासाठी व्यायाम सुरू केला होता. तो शांत स्वभावाचा होता. निखिलचे वडील आचारीचे काम करतात. तर आई आजूबाजूच्या लोकांच्या घरात जाऊन घरकाम करते. मोठ्या कष्टाने मुलगा निखिलला शिक्षण ते देत होते. मात्र, निखिलच्या जाण्यामुळे त्याच्या आई वडिलांना जबर धक्का बसला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com