येलदरी, सिद्धेश्वर आणि ईसापुर 98 टक्क्यांवर; गावांना सतर्कतेचा इशारा

मराठवाड्यात मागील काही दिवसात मुसळधार पाऊस बरसत आहे
येलदरी, सिद्धेश्वर आणि ईसापुर 98 टक्क्यांवर; गावांना सतर्कतेचा इशारा
येलदरी, सिद्धेश्वर आणि ईसापुर 98 टक्क्यांवर; गावांना सतर्कतेचा इशारा संदीप नागरे

हिंगोली : मराठवाड्यात मागील काही दिवसात मुसळधार पाऊस बरसत आहे. मागील १० वर्षात पहिल्यांदाच सप्टेंबर महिन्यात गायब होणारा पाऊस अचानक हजेरी लावत असल्याने, सगळीकडे दिलासादायक चित्र निर्माण झाले आहे. या पावसाने हिंगोली जिल्ह्यातील लघुसिंचन आणि जलसंधारण विभागाचे जिल्ह्यातील लहान मोठे 51 तलाव भरले आहेत.

तर, जिल्ह्यातील तीन पैकी दोन धरणे मागील १० दिवसांपूर्वीच ओव्हरफ्लो झाली आहेत. येलदरी सिद्धेश्वर नंतर आता ईसापुर धरण ही शंभर टक्के भरले, दुपारी 12.30 वाजता पैनगंगा नदीत पाण्याचा विसर्ग करण्यात येणार आहे. पुढील काही दिवसांत, इसापूर धरणात पूर्ण क्षमतेने पाणीसाठा जमा होणार असल्याची शक्यता वर्तवली आहे.

हे देखील पहा-

धरणातील अनावश्यक पाणीसाठा, पैनगंगा नदीत विसर्जित करण्यासाठी धरण प्रशासनाने हालचाली सुरू केल्या आहेत. वैनगंगा नदीत पाण्याचा विसर्ग झाल्यास या नदीपात्रात पूरस्थिती निर्माण होऊन, नदीकाठच्या गावांना धोका निर्माण होऊ शकतो. या अनुषंगाने खबरदारीचा उपाय म्हणून १२.३० वाजता पाणी सोडणार आहेत. दोन दरवाजे 20 सेंटिमीटर उघडले जाणार आहेत.

येलदरी, सिद्धेश्वर आणि ईसापुर 98 टक्क्यांवर; गावांना सतर्कतेचा इशारा
मराठवाडा सुखावला! जायकवाडी ५८ टक्क्यांवर

साधारणतः दीड हजार क्‍युसेक पाणी सोडले जाणार आहे. यामुळे नदीकाठच्या जिल्ह्यातील गावांना जिल्हाधिकाऱ्यांना, काल सायंकाळी धरण प्रशासनाने लेखी पत्र देत तातडीने सूचना दिल्या आहेत. या गावातील नागरिकांना जिल्हा प्रशासनामार्फत सतर्क देखील करण्यात आले आहे. धरणातून नदीपात्रात पाण्याचा विसर्ग सुरू केल्यानंतर नागरिकांनी आपली जनावरे आणि स्वतःची काळजी घेण्याचे आवाहन या पत्रकामार्फत करण्यात आले आहे.

Edited By- Digambar Jadhav

Related Stories

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com