संदीप भोसले, लातूर
Latur News: अनैतिक संबंध (Extra Marital Affair) पाहिल्यामुळे एका 28 वर्षांच्या तरुणाची हत्या करण्यात आल्याची घटना समोर आली आहे. लातूरच्या अहमदपूर तालुक्यातील खरबवाडी येथे ही घटना घडली आहे. याप्रकरणी पोलिसांनी (Latur Police) दोन आरोपींविरोधात गुन्हा दाखल करत त्याला अटक केली आहे.
मिळालेल्या माहितीनुसार, अहमदपूर तालुक्यातील खरबवाडी येथे दोन दिवसांपूर्वी गणेश वस्तुरगे या 28 वर्षांच्या तरुणाची हत्या करण्यात आली होती. शेतामध्ये त्याचा मृतदेह आढळून आला होता. गणेश ज्या गावामध्ये राहत होता त्याच गावातील प्रदीप करडखेले याचे गावातील महिलेसोबत अनैतिक संबध होते. गणेशने प्रदीपला या महिलेसोबत पाहिले होते.
त्यामुळे गणेश गावामध्ये सगळीकडे सांगेल या भीतीने प्रदीपने गणेशची हत्या केली. संदीपने गणेशचा गळा आवळून त्याची हत्या केली. या घटनेनंतर आरोपी फरार झाला होता. याप्रकरणी पोलिसांनी दोघांना अटक केली आहे. याप्रकरणी आरोपीविरोधात 302, 201, 34 कलमाअंतर्गत गुन्हा दाखल केला आहे. याप्रकरणाचा तपास वाढवणा पोलीस करत आहेत.
दरम्यान, छत्रपती संभाजीनगरमध्ये देखील प्रेम प्रकरणातून 28 वर्षांच्या तरुणाची निर्घृण हत्या करण्यात आली आहे. चौघांनी या तरुणाची विळ्याने गळा चिरुन हत्या केली. छत्रपती संभाजीनगरच्या (Chhatrapati Sambhajinagar) सिल्लोड तालुक्यातील मंगरूळ येथे ही घटना घडली. समाधान यादवराव बोराडे असे या तरुणाचे नाव असून गावातीलच चार जणांनी मिळून त्याची हत्या केल्याचे समोर आले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
