वडिलांच्या खुनाच्या गुन्ह्यातील संशयित आरोपीस जामीन मिळाल्याचा राग मनात धरून गाडी अंगावर घालून एकास ठार केल्याची घटना घडली आहे. या घटनेत एक जण गंभीर जखमी झाला आहे. त्यांच्यावर लातूर येथील रूग्णालयात उपचार सुरू आहे.
निलंगा (nilanga) तालुक्यातील येळणूर येथील आकाश सोळुंके याने दाखल केलेल्या खुनाच्या गुन्ह्यात यातील जखमी व ज्यांना ठार मारण्यात आले त्यांस जामीन मंजूर झाल्याचा राग मनात धरून संशयिताने निलंगा येथील तारखेला जात असताना यातील आकाश सोळंके याने करण भीमराव सोळुंके (वय ५१) व त्यांचा मुलगा दीपक करण सोळुंके (वय २८) यांना जीवे मारण्याचा प्रयत्न केला.
या वाहनाच्या धडकेत करण सोळुंके हे जागीच ठार झाले तर मुलगा दिपक जखमी झाला. त्यानंतर गाडीतील सर्वांनी लोखंडी रॉड, सळई व लाकडी काठ्या,दगडाने मारून दिपकला गंभीर जखमी केले. त्याची प्रकृती चिंताजनक आहे. त्याच्यावर लातूर येथील जिल्हा रूग्णालयात उपचार चालू आहेत.
याबाबत विक्रम करण सोळंके (वय ३२) यांनी दिलेल्या फिर्यादीवरून आकाश अनिल सोळुंके (गाडी चालक) व राहुल अनिल सोळंके ,शोभा अनिल सोळुंके, अमर सुनील सोळुंके, सुनील तात्याराव सोळुंके, अजित बालाजी सोळुंके, परमेश्वर बालाजी सोळंके, बालाजी रघुनाथ सोळंके, अनंत भागवत मोहिते (सर्व राहणार येळणूर) यांनी कट रचून निलंगा ते शिंदखेड रोडवर किसन रामजी शिंगाडे यांच्या शेताजवळ रोडवर वडील करण यांना जीवे ठार मारून खून केला असल्याचा गुन्हा (crime) दाखल झाला आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
