पंढरपूर : सांगोला येथील शेतकरी कामगार पक्षाचे ज्येष्ठ नेते व माजी आमदार गणपतराव देशमुख Ganpatrao Deshmukh यांची प्रकृती ठणठणीत व्हावी यासाठी सांगाेला तालुक्यातील युवकांनी नुकतेच महादेवास साकडे घातले. दरम्यान माजी आमदार देशमुख यांच्या तब्येतीत सुधारणा असल्याची माहिती त्यांचे नातू डाॅ. अनिकेत देशमुख यांनी दिली. (youth-performed-pooja-ganpatrao-deshmukh-sangola-sml80)
माजी आमदार गणपतराव देशमुख यांच्यावर नुकतीच एक शस्त्रक्रिया झाली आहे. ते खूप दिवसांपासून आजारी हाेते. त्यांची प्रकृती उत्तम व्हावी यासाठी सांगोला तालुक्यातल्या युवकांनी शिवलिंगाला दुग्धाभिषेक करून त्यांच्या दीर्घायुष्याची प्रार्थना तसेच त्यांचा आरोग्य उत्तम राहावं यासाठी प्रार्थना केली.
धायटी गावचे सरपंच रवी मेटकरी तसेच त्यांच्या मित्र परिवाराने सांगोला तालुक्यातल्या सावे गावातील सावलेश्वर मंदिरात जाऊन स्वयंभू शिवपिंडीवर दुग्धाभिषेक केला. ज्येष्ठ नेते मार्गदर्शक गणपतराव देशमुख यांच्या उत्तम आरोग्यासाठी साकडे घातल्याचे युवकांनी सांगितले.
माजी आमदार गणपतराव देशमुख यांच्यावर सर्वाधिक वेळा निवडून येण्याचा विक्रम आहे. सांगोला तालुक्याचे आमदार म्हणून ते कार्यरत हाेते. वयोमानानुसार त्यांनी सन 2019 साली विधानसभा निवडणूक न लढवण्याचा निर्णय घेतला.
माजी आमदार गणपतराव देशमुख यांची प्रकृती ठीक आहे. त्यांच्यावर नुकतीच एक शस्त्रक्रिया झाल्याची माहिती त्यांचे नातू डाॅ. अनिकेत देशमुख यांनी नमूद केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.