कोल्हापूर : युवासेनाप्रमुख आदित्य ठाकरे (Aditya Thackeray) हे सध्या निष्ठा यात्रेदरम्यान, महाराष्ट्र दौऱ्यावर आहेत. आज त्यांचे कोल्हापुरात आगमन झाले. यावेळी आदित्य ठाकरेंनी शिवसैनिकांना संबोधित केलं. दरम्यान, माध्यमांसोबत संवाद साधत असताना त्यांनी बंडखोर आमदारांसह मुख्यमंत्री एकनाथ शिंदे (Eknath Shinde) यांच्यावर टीकाही केली. ज्या ३३ देशांनी तुमची नोंद घेतली आहे, ती गद्दार म्हणूनच घेतली आहे. असा सणसणीत टोलाही आदित्य ठाकरेंनी मुख्यमंत्री एकनाथ शिंदेंना लगावला. (Aditya Thackeray vs CM Eknath Shinde)
आदित्य ठाकरे कोल्हापूर दौऱ्यावर आहेत. यावेळी माध्यमांशी संवाद साधताना त्यांनी हा निशाणा साधला. आदित्य ठाकरे म्हणाले की, 'बंडखोर आमदार म्हणतात की, आमच्या उठावाची तब्बल ३३ देशांनी नोंद घेतली. अहो ज्या ३३ देशांनी तुमची नोंद घेतली ती गद्दार म्हणूनच घेतली'. एवढंच नाही तर आदित्य ठाकरेंनी यावेळी बंडखोर आमदारांना चॅलेंजही दिलं.
तुम्ही तिकडचे बननू राहा पण आमदारकी आणि खासदारकीचा राजीनामा द्या, निवडणुकीला सामोरे जा जनता जो कौल देल तो मान्य आहे. असं आदित्य ठाकरे म्हणाले. तसेच ज्या आमदार तसेच खासदारांना ज्यांना आपण चुकलो असे जराही वाटत असेल तर त्यांनी परत यावं मातोश्रीची दारं त्यांच्यासाठी नेहमी उघडी आहे. असंही आदित्य ठाकरे यांनी स्पष्ट केलं. (Eknath Shinde News)
ही गद्दारी तुम्हाला पटणारी आहे का?
मला ऐवढच विचारायचं आहे जे काही घाणेरडं राजकारण सुरू आहे हे तुम्हाला पटणारं आहे का? ही गद्दारी तुम्हाला पटणारी आहे का? ज्या खासदारांना मी मित्र मानलं त्यांच्यासोबत फिरलो. मानसन्मान दिला, त्यांनीच पाठीत खंजीर खुपसला काय कमी केलं यांना. यांनी जेव्हा फंड मागितला तेव्हा दिला. याच्यावर विश्वास ठेवला ती आमची चूक झाली का? हे अपेक्षित नव्हतं . यांना मिठित घेताना डोळे बंद असताना पाठीत खंजीर खुपसला. हे राजकारण इतकं खालच्या पातळीचं गेलंय की मी तरुणांना कसे सांगू की तुम्ही राजकारणात या. आदित्य ठाकरेंचं हे भाषण ऐकून शिवसैनिकांचे मन गहिवरून आले होते. (Aditya Thackeray News)
ठाकरे कुटुंब एकटे पडणार नाही
मी रात्रभर फिरत आहे. लक्ष देखील देत नाही. शिवसेना आणि ठाकरे परिवाराला एकटे पाडण्याचा कट हे सगळे ४० गद्दार करत होते. एकट पाडण्याचे प्रयत्न पुरेपूर चालले आहेत. मात्र, राज्यातील जनता आणि शिवसैनिक ठाकरे कुटुंबाला आणि शिवसेनेला कधीच एकटे पाडणार नाही, असंही त्यांनी सांगितलं.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.