मुंबई : भांडूप स्टेशनजवळील ड्रीम्स माॅलमध्ये असलेल्या एका रुग्णालयाला मध्यरात्री भीषण आग लागली असून या आगीत आतापर्यंत दोघांचा मृत्यू झाला आहे. लेव्हल ४ च्या ही आग विझविण्यासाठी अग्निशामक दलाच्या २३ गाड्या पाठविण्यात आल्या होत्या. (Major Fire in Mumbai Hospital at Bhandup)
ड्रीम्स माॅलमध्ये हे रुग्णालय आहे तिथे ७६ रुग्ण कोविडच्या उपचारांसाठी दाखल होते. पहाटेच्या सुमारास या रुग्णालयाला आग लागली. वरिष्ठ पोलिस अधिकाऱ्यांसह मुंबईच्या महापौर किशोरी पेडणेकर यांनी घटनास्थळी धाव घेतली आहे. आज सकाळीही आग विझविण्याचे काम सुरु होते. दरम्यान, माॅलमध्ये कोविड रुग्णालय असल्याचे आपण पहिल्यांदाच पाहिले असून याबाबत कारवाई केली जाईल, असे महापौर पेडणेकर यांनी सांगितले. पोलिस उपायुक्त प्रशांत कदमही घटनास्थळी असून ते मदतकार्यावर देखरेख करत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.