उमर खालिदवर हल्ला करणारा सीसीटीव्हीत कैद

उमर खालिदवर हल्ला करणारा सीसीटीव्हीत कैद

नवी दिल्ली: जवाहरलाल नेहरू विद्यापीठातील विद्यार्थी नेते उमर खालिद यांच्यावर हल्ला करणारा संशयित सीसीटीव्हीमध्ये कैद झाला आहे.

उमर खालिद यांच्यावर सोमवारी (ता. 13) दुपारी गोळीबार झाल्याने खळबळ उडाली होती. संसद भवनाजवळील कॉन्स्टिट्यूशन क्‍लबच्या बाहेर झालेल्या हल्ल्यातून ते सुखरूप बचावले. या वेळी हल्लेखोर पसार झाल्याचे प्रत्यक्षदर्शीने सांगितले.

कॉन्स्टिट्यूशन ऑफ इंडिया येथे सोमवारी दुपारी युनायटेड अगेन्स्ट हेट संघटनेच्या वतीने "खौफ से आझादी' या कार्यक्रमाचे आयोजन करण्यात आले होते. या कार्यक्रमासाठी उमर खालिद आले होते. क्‍लबजवळ असलेल्या एका चहाच्या टपरीवर उमर खालिद उभे असताना अचानक एका अज्ञात व्यक्तीने त्यांच्यावर गोळीबार केला. या हल्ल्यातून उमर खालिद बालंबाल बचावले. खालिद यांच्यासमवेत असलेल्या सैफीने सांगितले, की आम्ही चहा पिण्यासाठी गेलो होतो. त्याचवेळी आमच्याकडे तीन जण आले. त्यापैकी एकाने खालिदला पकडले. या वेळी खालिद यांनी स्वत:ला सोडवण्याचा प्रयत्न केला. त्याचवेळी अचानक गोळीचा आवाज आला आणि घटनास्थळी घबराटीचे वातावरण पसरले. तसेच हल्लेखोराने पळून जाताना आणखी एक गोळी झाडली.

याबाबत खालिद म्हणाले, 'की देशात दहशतीचे वातावरण आहे. सरकारविरुद्ध बोलणाऱ्या प्रत्येक व्यक्तीला धमकावले जात आहे. याप्रकरणाचा पोलिस तपास करत असून शस्त्रही जप्त करण्यात आले आहे. हल्लेखोर पळून जात असताना पिस्तूल घटनास्थळी पडले होते.'

खालिद यांच्यावर हल्ला करणारा संशयित सीसीटीव्हीमध्ये कैद झाला असून, पोलिस पुढील तपास करत आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com