मराठी चित्रपट सृष्टीमधील ज्येष्ठ अभिनेते जयराम कुलकर्णी यांचे निधन झालंय. ते 88 वर्षांचे होते. पुण्यातील राहत्या घरी आज पहाटे त्यांची प्राणज्योत मालवली.
पुणे : सुप्रसिद्ध चरित्र अभिनेते जयराम कुलकर्णी यांचे आज पहाटे वृद्धापकाळाने निधन झाले. त्यांचे वय ८८ होते. ते 88 वर्षांचे होते. पुण्यातील राहत्या घरी आज पहाटे त्यांची प्राणज्योत मालवली. आज दुपारी बारा वाजता वैकुंठ स्मशानभूमीत त्यांच्यावर अंत्यसंस्कार करण्यात येणार आहेत. जयराम कुलकर्णी यांनी अनेक मराठी चित्रपटांमध्ये आपल्या अभिनयाने रसिकांची मनं जिंकली होती.
आकाशवाणीवरून प्रसारित होणारया अनेकविध कार्यक्रमांमधे त्यांचा सहभाग असे. जवळपास १०० मराठी आणि हिंदी चित्रपटांमधे त्यांनी चरित्र भूमिका साकारल्या. झपाटलेला, माहेरची साडी, नवरी मिळे नवरयाला, आमच्या सारखे आम्हीच अशा चित्रपटांमधील त्यांच्या भूमिका संस्मरणीय ठरल्या.
मोरूची मावशी या नाटकात जयराम यांनी सर्वात पहिल्यांदा काम केले होते. शाळेपासूनच त्यांना अभिनयाची आवड होती. स. प. महाविद्यालयात श्रीकांत मोघे, शरद तळवळकर यांच्यासोबत पुलंच्या ‘अंमलदार’ नाटकात ‘हणम्या’ ही भूमिका जयराम यांनी साकारली. तेव्हापासून खणखणीत ग्रामीण भाषा बोलणारा एकच नट अशी त्यांची नवीन ओळख निर्माण झाली.
Web Title: Actor Jairam Kulkarni Passed away
