हवाई दलाचे विमान अद्यापही बेपत्ता

हवाई दलाचे विमान अद्यापही बेपत्ता

इटानगर : भारतीय हवाई दलाचे काल (ता. 3) बेपत्ता झालेल्या एएन-32 या वाहतूक विमानाचा अद्यापही ठावठिकाणा सापडलेला नाही. हवाई दलातर्फे सुरू असलेल्या शोधमोहिमेत आज (मंगळवार) नौदलानेही सहभाग घेत त्यांचे दीर्घ पल्ल्याचे पी 8 आय हे विमान शोधासाठी पाठविले आहे.

सोमवारी (ता. 3) आसाममधील जोरहाट येथून उड्डाण केलेले हवाई दलाचे विमान 33 मिनिटांनंतर बेपत्ता झाले. नौदलाचे पी 8 आय विमान इलेक्‍ट्रो ऑप्टिकल आणि इन्फ्रा सेन्सर्सच्या मदतीने पर्वतीय भागात आणि चीनजवळील मेंचुका येथे विमानाचा शोध घेणार आहे.

दरम्यान, भारतीय हवाई दलाचे एएन-32 हे वाहतूक विमान उड्डाणानंतर बेपत्ता झाले आहे. आसाममधील जोरहाट येथून उड्डाण केलेल्या या विमानात आठ कर्मचारी आणि पाच प्रवासी होते. रशियन बनावटीच्या एएन-32 या विमानाने विमानतळावरून दुपारी 12.25 वाजता उड्डाण केल्यानंतर एक वाजण्याच्या सुमारास विमानाचा नियंत्रण कक्षाशी असलेला संपर्क तुटला. हे विमान अरुणाचल प्रदेशातील शियोमी जिल्ह्यातील मेनचुका येथे जात होते. मेनचुका चीनच्या सीमेजवळ आहे. या विमानाचा शोध घेण्यासाठी हवाई दलाची विमाने परिसरात घिरट्या घालत असून, सर्व उपलब्ध साधनांचा वापर करून शोध घेतला जात आहे. विमान कोसळण्याची शक्‍यता असलेल्या ठिकाणांवर हेलिकॉप्टरमधूनही शोध घेतला जात असून, विमानाचे अवशेष सापडले नसल्याचे हवाई दलाने सांगितले. शोध मोहिमेमध्ये हवाई दलासह, लष्कर, सरकारी तपास संस्था आणि स्थानिक पोलिस सहभागी झाले आहेत. हवाई दलाची सी-130 आणि दुसरे एएन-32 विमाने आणि दोन एमआय-17 हेलिकॉप्टर विमाने, तर लष्कराचीही हेलिकॉप्टरर्स शोध घेत आहेत. या शोधमोहिमेवर संरक्षण मंत्री राजनाथसिंह हेदेखील लक्ष ठेवून आहेत.


 

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com