डिसेंबर पर्यंत अमित शाहच भाजपाध्यक्ष

डिसेंबर पर्यंत अमित शाहच भाजपाध्यक्ष

येत्या चार महिन्यांत महाराष्ट्र, हरियाणा आणि झारखंडमध्ये विधानसभेच्या निवडणुका होत आहेत. त्यामुळे तूर्त तरी भाजपच्या अध्यक्षपदाची धुरा अमित शहा यांच्याकडेच कायम राहणार असल्याचे सूत्रांनी सांगितले. डिसेंबरपर्यंत तेच याच पदावर कायम राहतील, असे सांगण्यात आले आहे. भाजपमध्ये 'एक व्यक्ती एक पद' धोरण आहे. लोकसभा निवडणुकीनंतर अमित शहा यांना केंद्रीय मंत्रिमंडळात स्थान मिळाले. त्यांच्याकडे अत्यंत महत्त्वाचे असे गृह खाते देण्यात आले आहे. त्यामुळे ते आता पक्षाच्या राष्ट्रीय अध्यक्ष पदावरून पायउतार होतील, असे संकेत मिळाले होते. 

अमित शहा यांनी गुरुवारी पक्षाच्या प्रमुख नेत्यांची आणि प्रदेशाध्यक्षांची बैठक नवी दिल्लीत बोलावली होती. या बैठकीत पक्षाच्या संघटनात्मक निवडणुका, नवीन सदस्य नोंदणी मोहिम आणि इतर विषयांवर चर्चा झाली. मध्य प्रदेशचे माजी मुख्यमंत्री शिवराजसिंह चौहान, छत्तीसगढचे माजी मुख्यमंत्री रमणसिंह, राजस्थानच्या माजी मुख्यमंत्री वसुंधराराजे शिंदे, राष्ट्रीय सरचिटणीस आणि पश्चिम बंगालचे प्रभारी कैलाश विजयवर्गीय, भूपेंद्र यादव आणि जे पी नड्डा या बैठकीला उपस्थित होते. सर्व प्रदेशाध्यक्षही बैठकीसाठी उपस्थित होते.

पक्षातील रिक्त जागा नव्याने भरण्यासाठी कार्यक्रम निश्चित करण्यावर बैठकीत चर्चा झाली. लोकसभा निवडणुकीनंतर राजकीय वर्तुळात अमित शहा अध्यक्षपदाचा राजीनामा देतील, अशी चर्चा होती. त्यावेळी या पदासाठी जे पी नड्डा आणि भूपेंद्र यादव यांच्या नावाची चर्चा सुरू झाली होती. पण आता डिसेंबरपर्यंत अमित शहाच या पदावर कायम राहतील, असे समजते. 

web title: Amit Shah is the BJP President till December

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com