मुंबई: सकाळी 7 वाजून 40 मिनिटांनी अंधेरी रेल्वे स्थानकाजवळील पादचारी पूल कोसळला. अंधेरी स्टेशनजवळचा फुटओव्हर ब्रिज कोसळल्यानं पश्चिम रेल्वेची वाहतूक ठप्प झालीये. एकीकडे जोरदार पाऊस आणि एकीकडे फुटओव्हर ब्रिज कोसळल्यानं झालेल्या अपघातामुळे मुंबई ठप्प झालेली पाहायला मिळतेय. झालेल्या अपघातामुळे ऑफिसला जाणाऱ्या कर्मचाऱ्यांना प्रचंड अडचणींचा सामना करावा लागतो.
हा फुटओव्हर ब्रिज कोसळल्यानं फायर ब्रिगेडच्या अधिकाऱ्यांसह चार जण जखमी झाले आहेत. अग्निशमन दलाच्या कर्मचाऱ्यांकडून कोसळलेल्या पुलाचा भाग बाजूला काढण्याचं काम युद्धपातळीवर सुरू आहे. दरम्यान, घडलेल्या घटनेमुळे मुंबईतील रस्ते वाहतुकीवरही मोठ्या प्रमाणावर परिणाम झालाय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.