1 सप्टेंबर ते 5 सप्टेंबर बँका बंद राहण्याची शक्यता

बँकेची कामं असतील तर ती येत्या एक दोन दिवसांमध्ये उरकून घ्या. कारण सप्टेंबरच्या पहिल्या आठवड्यात म्हणजे 1 सप्टेंबर ते 5 सप्टेंबर बँका बंद राहण्याची शक्यता आहे.

1 सप्टेंबर ते 5 सप्टेंबर आणि त्यानंतर 8 आणि 9 सप्टेंबरला बँका बंद राहण्याची शक्यता आहे. त्यामुळे बँकिंग संबंधीत काही कामं असतील तर ती येत्या दोन दिवसांत करून टाका असेही सांगण्यात येत आहे. 1 सप्टेंबरला अनेक राज्यांमध्ये बँकांना सुट्टी असते त्यामुळे यादिवशी त्या-त्या राज्यात बँकिंग व्यवहार होणार नाहीत.

त्यानंतर 2 सप्टेंबरला रविवारची सार्वजनिक सुट्टी आहे. 3 सप्टेंबरला जन्माष्टमी आल्याने या दिवशी देखील बँका बंद राहतील. तसेच पेन्शनबाबतच्या मागणीसाठी बँकिंग कर्मचारी 4 आणि 5 सप्टेंबरला संपावर जाण्याची शक्यता वर्तवण्यात आली आहे. त्यामुळे बँकिंग क्षेत्रातील कामं होणार नाही. याचा फटका एटीएमला बसू शकतो. कारण बँका बंद असल्याने अनेक एटीएममध्ये नो कॅशचा बोर्ड झळकू शकतो.