मुंबई : शिवसेनाप्रमुख बाळासाहेब ठाकरे यांचा उद्या (रविवार) स्मृतीदिन आहे. राज्यात सध्या शिवसेना-राष्ट्रवादी काँग्रेस आणि काँग्रेस हे तीन पक्ष एकत्र येत असून, उद्या शिवतीर्थावर दर्शनसाठी आघाडीचे नेते येणार का, याबाबत उत्सुकता आहे.
शिवसैनिक मोठ्या प्रमाणात उद्या शिवतीर्थावर येणार असून, महाशिवआघाडीचे पदाधिकारीही उपस्थित राहतील, ते ही प्रथमच. त्यामुळे उद्याच्या दिनाला महत्त्व आले आहे. ‘गर्व से कहो, हम हिंदू है’ अशी घोषणा देत हिंदूंमध्ये चैतन्य निर्माण केलेल्या बाळासाहेब ठाकरेंना मानवंदना देण्यासाठी महाराष्ट्रासह देशभरातून असंख्य हिंदू, शिवसैनिक आणि शिवसेनाप्रेमींचा अलोट जनसागर उद्या शिवतीर्थावर उसळणार आहे.
शिवसेनेशी सूर जुळविलेल्या काँग्रेस आणि राष्ट्रवादीतील प्रमुख नेते यानिमित्त शिवतीर्थावर जातील अशी दाट शक्यता आहे. या तिन्ही पक्षांच्या नेत्यांची नुकतीच संयुक्त बैठक झाली होती. यामध्ये किमान समान कार्यक्रमावर चर्चा झाली होती. आता उद्याच शरद पवार आणि सोनिया गांधी यांची बैठक होणार आहे. त्यानंतर महाशिवआघाडीवर शिक्कामोर्तब होणार आहे.
हे ही पाहा..
Web Title: Congress NCP leaders may be tribute to Shivsena chief Balasaheb Thackeray
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.