तुकोबांनी शेकडो वर्षांपूर्वी सांगितलेल्या या अभंगाचे बोल आता आपल्याला खऱ्या अर्थाने कृतीत आणावे लागणारेत. कारण कोरोना व्हायरसमुळे महाराष्ट्रातील प्रमुख मंदिरांमध्ये देवदर्शन बंद करण्यात आलंय.
महाराष्ट्राची कुलस्वामिनी आई तुळजाभवानीचं थेट दर्शन 31 मार्चपर्यंत बंद करण्यात आलंय, त्याचप्रमाणे विठोबा मंदिरातील अन्नछत्रही बंद करण्यात आलंय. अष्टविनायकांपैकी एक पालीच्या बल्लाळेश्वराचंही दर्शन 31 मार्चपर्यंत बंद ठेवण्यात येणारेय. महडच्या गणपती बाप्पाचंही दर्शन बंद करण्यात आलंय. त्याचप्रमाणे पर्यटकांसह भक्तांचा नेहमी ओढा असलेल्या एलिफण्टा लेणीही पाहता येणार नाहीत.
कोरोना व्हायरसचा असाही फटका भाविकांना सोसावा लागतोय. पण, संत तुकोबांनी अभंगात सांगितल्याप्रमाणे आपला देहच देवाचं मंदिरय आणि म्हणूनच कोरोनापासून देहाला वाचवण्यासाठी तूर्तास घरातूनच देवाचा धावा करूयात.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.