माजी केंद्रीय मंत्री बँ. ए. आर. अंतुले यांचे चिरंजीव नाविद अंतुले यांचा आज शिवसेनेत प्रवेश

 माजी केंद्रीय मंत्री बँ. ए. आर. अंतुले यांचे चिरंजीव नाविद अंतुले यांचा आज शिवसेनेत प्रवेश

महाड: राज्याचे माजी मुख्यमंत्री व माजी केंद्रीय मंत्री बँ. ए. आर. अंतुले यांचे चिरंजीव नाविद अंतुले यांनी आज शिवसेनेत प्रवेश केला. गेले काही दिवसांपासून नाविद हे शिवसेनेत जाणार असल्याची चर्चा होती त्याला अखेर पूर्णविराम मिळाला आहे. शिवसेना पक्षप्रमुख उध्दव ठाकरे यांनी त्यांनी शिवबंधन बांधून शिवसेनेत स्वागत केले. यावेळी शिवसंग्रामचे रायगड अध्यक्ष अँड. उद्य आंबोणकर यांनीही शिवसेनेत प्रवेश केला. या दोन्ही प्रवेशामुळे आघाडीचे उमेदवार सुनील तटकरे यांना नव्या आव्हानाना सामोरे जावे लागणार आहे.

बॅ. अंतुले यांना मानणारा मोठा वर्ग आजही कोकणात आहे. कोकणचे भाग्यविधाते अशी ओळख असलेल्या बँ. अंतुले यांचे अत्यंत निकटवर्ती असलेले सुनील तटकरे अंतुले यांची साथ सोडून शरद पवारांसोबत रा. काँ पक्षात गेल्याने रायगडच्या राजकारणात तटकरे-अंतुले वाद कायम राहिला. आपल्या व्यवसायातून आता राजकारणात उडी मारलेले बँ. अंतुले यांचे पुत्र नाविद यांनी तटकरे यांचा प्रचार करण्यास स्पष्ट नकार देत शिवसेनेत प्रवेश केला.

श्रीवर्धन व म्हसळा तालुक्यात खास करुन अंतुले यांचा वरचष्मा असल्यांने नाविद यांना याचा फायदा घेता येणार आहे. नाविद यांच्या प्रवेशामागे शिवसेनेचे मंत्री अनंत गीते यांचे मोठे योगदान आहे. मागील विधानसभा निवडणूकीत राष्ट्रवादी काँग्रेसकडून निवडणूक लढलेले अँड. उदय आंबोणकर यांनीही शिवसेनेत प्रवेश केला आहे. यावेळी आदित्य ठाकरे, उद्योगमंत्री सुभाष देसाई उपस्थित होते. नाविद यांनी अंतुले समर्थकांच्या भेटीगाठीही सुरु केल्या आहेत.

Web Title: Naveed Antule Enters in Shivsena

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com