बाळापूर (अकोला) : तालुक्यातील वाडेगाव येथील विलास रमेश गोसावी (गीरी) (वय 32) याचा अचानक मृत्यू झाल्याची घटना शुक्रवारी (ता. 26) सकाळी सातच्या सुमारास घडली.
वाढत्या तापमानामुळे उष्णतेची लाट आली असुन उच्चांक 46 च्या वर पोचला आहे. सर्वत्र नागरिकांच्या अंगाची लाहीलाही होताना दिसत आहे. सकाळी आठ वाजल्यापासून सूर्य आग ओकायला सुरुवात करतो ते संध्याकाळी सहाला थांबतो. या रखरखत्या उन्हाचा तडाखा मानवी जीवनाला बसला असून याचा बाळापूर तालुक्यात पहिला बळी गेला असल्याची शक्यता आहे.
प्राप्त माहितीनुसार गीरी हा वाडेगाव परीसरात असलेल्या एका पेट्रोल पंपावर काम करतो. काल तो सासुरवाडीला व्याळा येथे गेला होता. त्याला रात्री अचानक अस्वस्थ वाटू लागले व चक्कर येत असल्याने अकोला येथील सर्वोपचार रुग्णालयात दाखल करण्यात आले होते. आज पहाटे त्याची प्रकृती खालावली होती. सकाळी सात वाजता त्याचा मृत्यू झाला आहे. हा मृत्यू उष्माघाताने झाला किंवा अन्य काही कारणाने झाला, याची चौकशी सुरू असून विच्छेदनाच्या अहवालात ते स्पष्ट होणार असल्याचे तालुका आरोग्य अधिकारी भावना हाडोळे यांनी सांगितले आहे.
Web Title : marathi news heat wave in akola temperature on forty fife
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.