सध्या कोरोनामुळे भयंकर परिस्थिती निर्माण होण्याची शक्यता असतानाच आता डॉक्टरांवर मोठी जबाबदारी आहे. त्यामुळे सगळ्या डॉक्टरांनी योग्य ती काळजी घेणं आणि आपली सेवा देणं महत्वाचं आहे. याच पार्श्वभूमीवर डॉक्टरांनी आपले खासगी दवाखाने सुरुच ठेवावे असं आवाहन करण्यात आलंय. याबाबत काही कठोर नियमही प्रशासनानं घेतलेत.
दवाखाने बंद ठेवून नागरिकांची गैरसोय करणाऱ्या डॉक्टरांचे परवाने रद्द होणार आहेत. अशा डॉक्टरांवर महापालिका प्रशासनाने कडक कारवाई करावी, असे आदेश स्थायी समितीचे अध्यक्ष यशवंत जाधव यांनी दिलेत..तसंच झोपडपट्टी परिसरातील बोगस डॉक्टरांचा शोध घेऊन त्यांना तुरुंगात टाकावे, असे आदेशही त्यांनी दिले.अनेक डॉक्टरांनी कोरोनाच्या संसर्गाच्या भीतीने त्यांचे खासगी दवाखाने बंद ठेवलेत. त्यामुळे सामान्य, गरीब नागरिकांची मोठी गैरसोय होतेय. याबाबत पालिकेकडे तक्रारी आल्या आहेत.अशा डॉक्टरांना पालिकेकडून नोटीस दिली जाणार आहे. मात्र नोटीस दिल्यानंतरही जे डॉक्टर दवाखाने सुरु करणार नाहीत त्यांचे परवाने रद्द करण्याची कारवाई करण्यात यावे, असे आदेश जाधव यांनी प्रशासनाला दिलेत.
कोरोना विषाणू हा तीव्र संसर्गजन्य आहे. त्याचा फैलाव नियंत्रित करण्यासाठी तातडीने प्रतिबंधात्मक उपाययोजना करणे आवश्यक आहे. काही डॉक्टर कोरोनाच्या संसर्गाच्या भीतीने वैद्यकीय सेवा देत नसल्याचे निदर्शनास आले आहे. ते बाह्यरुग्ण विभाग आणि रुग्णालये बंद ठेवत आहेत. या पार्श्वभूमीवर जिल्ह्यातील सर्व वैद्यकीय सेवा सुरळीत ठेवण्याबद्दलचे आवाहन या पत्रातून डॉ. म्हैसेकर यांनी केले.
यासह वैद्यकीय सेवा न देणाऱ्या डॉक्टरांची नोंदणी भारतीय वैद्यक परिषद (आयएमसी) तसेच, आवश्यक त्या सक्षम प्राधिकरणास कळविण्याच्या सूचना डॉ. म्हैसेकर यांनी दिल्या आहेत.
आपल्या जिल्ह्यातील सर्व दवाखाने, त्यातील बाह्यरुग्ण विभाग, रुग्णालये नियमित सुरू रहातील, याची दक्षता घेण्याचेही त्यांनी पत्रात ठळकपणे नमूद केले आहे.
त्यामुळे डॉक्टरांनी त्यांची सेवा पूर्णपणे नागरिकांना पुरवावी हे माहत्वाचं ठरेल.
Web Title - Marathi news If the clinic is closed during the lockdown, then doctors licenses will be revoked ..
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.