इव्हान्का ट्रम्प पडली मीम्सच्या प्रेमात; भारतीयांच्या कल्पकतेला दिली दाद!

इव्हान्का ट्रम्प पडली मीम्सच्या प्रेमात; भारतीयांच्या कल्पकतेला दिली दाद!

वॉशिंग्टन : अमेरिकेचे अध्यक्ष डोनाल्ड ट्रम्प हे गेल्या आठवड्यात दोन दिवसीय भारत दौऱ्यावर आले होते. यावेळी त्यांच्यासोबत त्यांची पत्नी मेलानिया ट्रम्प, मुलगी इव्हान्का ट्रम्प आणि अमेरिका प्रशासनातील वरिष्ठ अधिकारीदेखील आले होते.

ट्रम्प यांची मुलगी इव्हान्काला जगातील सात प्रमुख आश्चर्यांपैकी एक असलेला आणि भारताच्या जिरेटोपातील मानाचा तुरा असलेला ताजमहाल खूप आवडला. तेथे तिने भरपूर फोटोही काढून घेतले. त्यावर खूप मिम्स व्हायरल झाले असून त्या मीम्सच्या प्रेमात इव्हान्काही पडल्याचे दिसून आले. स्वत: इव्हान्कानेच आपल्या ट्विटर अकाउंटवरून हे मीम्स शेअर केले आहेत. 

The grandeur and beauty of the Taj Mahal is awe inspiring!  pic.twitter.com/jcYwXHxf4c

— Ivanka Trump (@IvankaTrump) February 24, 2020

फोटोशॉपच्या आधारे तयार केलेले मीम्सने सोशल मीडियावर धुमाकूळ घातला आहे. नुकत्याच आलेल्या गुड न्यूज या चित्रपटात अक्षय कुमारसोबत झळकलेला पंजाबी अभिनेता दलजीत दोसांझनेही इव्हान्कासोबतचा एक फोटो ट्विट केला होता. तो इतका व्हायरल झाला की स्वत: इव्हान्कानेही दलजीत सोबतचा हा फोटो रिट्विट केला. आणि दलजीतला त्याच्याच भाषेत उत्तर दिले. 

Thank you for taking me to the spectacular Taj Mahal, @diljitdosanjh

It was an experience I will never forget! https://t.co/VgqFuYBRIg

— Ivanka Trump (@IvankaTrump) March 1, 2020

दलजीतने फोटोला कॅप्शन देताना म्हटले आहे की, ''मी आणि इव्हान्का, ताजमहाल दाखव म्हणून इव्हान्का मागेच लागली होती. मग तिला घेऊन आलो आणि दाखवला ताजमहाल.'' 

याला उत्तर देत इव्हान्कानेही म्हटले आहे की, ''इतका सुंदर ताजमहाल दाखवल्याबद्दल दलजीत तुझे खूप धन्यवाद. मी कधीही विसरू शकणार नाही, असाच हा अनुभव होता.''

I appreciate the warmth of the Indian people.

...I made many new friends!!! https://t.co/MXz5PkapBg

— Ivanka Trump (@IvankaTrump) March 1, 2020

दुसऱ्या एका ट्विटला उत्तर देताना इव्हान्का म्हणाली की, ''भारतीयांच्या कल्पनाशक्तीला मी सलाम करते. मी भारतात खूप नवीन मित्र जोडले.'' 

२०१७ मध्ये इव्हान्का हैदराबाद येथे झालेल्या विश्व शिखर संमेलनात भाग घेण्यासाठी पहिल्यांदा भारतात आली होती. त्यानंतर ती आता दुसऱ्यांदा भारतात आली होती. 

Thank you India! 
 @al_drago @Reuters pic.twitter.com/zdDugTOYqb

— Ivanka Trump (@IvankaTrump) February 26, 2020

Web Title Ivanka Trump Reply To Photoshopped Meme Breaks Internet Today

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com