नवी दिल्ली : लोकसभा निवडणुकीतील पराभवाची नैतिक जबाबदारी स्वीकारत राहुल गांधी यांनी आपल्या अध्यक्षपदाचा राजीनामा दिला. काँग्रेसच्या वरिष्ठ नेत्यांनी त्यांच्या मनधरणीचा प्रयत्न केला पण, त्याला यश आलं नाही. दरम्यान, काँग्रेसमध्ये सुरू असलेलं राजीनामा सत्र काही थांबण्याचं नाव घेताना दिसत नाही. कारण, काँग्रेस अध्यक्ष राहुल गांधी यांच्या राजीनाम्यानंतर काँग्रेसअध्यक्ष पदाच्या शर्यतीती असणारे काँग्रेसचे महासचिव ज्योतिरादित्य शिंदे यांनीही आपल्या पदाचा राजीनामा दिला आहे.
लोकसभा निवडणुकीत काँग्रेसला पत्कराव्या लागलेल्या पराभवाची जबाबदारी घेत त्यांनी आपल्या पदाचा राजीनामा दिला. पण, त्यांचा राजीनामा अद्याप देखील स्वीकारला गेलेला नाही. लोकसभा निवडणुकीत ज्योतिरादित्य शिंदे यांच्यावर पश्चिम उत्तर प्रदेशची जबाबदारी सोपवण्यात आली होती. पण, काँग्रेसला मात्र चांगलं यश मिळालं नाही.
मध्य प्रदेशमध्ये भाजपला धुळ चारत काँग्रेसची सत्ता आणण्यामध्ये ज्योतिरादित्य शिंदे यांनी महत्त्वाची भूमिका निभावली. गुना हा शिंदे घराण्याचा गड. पण, या ठिकाणावरून देखील ज्योतिरादित्य शिंदे यांना पराभवाचा सामना करावा लागला. गुना येथे झालेला पराभव हा राजघराण्याचा पहिलाच पराभव आहे. 4 वेळा गुनामधून खासदार असलेल्या ज्योतिरादित्य शिंदे यांच्या पराभव हा चांगलाच जिव्हारी लागला होता.
Web Title: Jyotiraditya Scindia resigns as National General Secretary of Congress
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.