तिरूअनंतपुरम : केरळ राज्यात पावसामुळे हाहाकार माजला असून, देशभरातून केरळमधील पूरग्रस्तांसाठी मदतीचे आव्हान केले जात आहे. पेटीएम व अॅमेझॉनद्वारे सर्व देशभरातून केरळमधील नागरिकांना मदत मिळत असतानाच, आता युएई म्हणजेच संयुक्त अरब अमिरातींमधील देशात राहणाऱ्या आणि मूळ भारतीय असणाऱ्या व्यापाऱ्यांनीही केरळ पूरग्रस्तांना भरघोस मदत केली आहे.
युएईतील मूळ भारतीय असलेल्या व्यापारी व उद्योगपतींनी 12.5 कोटी रूपये मदत करणार असल्याचे जाहीर केले आहे. युएईमध्ये 26 लाख भारतीय असून, तेथे भारतीयांचे प्रमाण 30 टक्के आहे. मूळचे केरळचे असणारे, पण सध्या युएईमध्ये वास्तव्यास असणारे युसूफ अली यांनी 5 कोटी रूपयांची मदत जाहीर केली आहे. फातिमा हेल्थकेअरस समुहाचे अध्यक्ष के. पी. हुसेन यांनीही 5 कोटींची मदत जाहीर केली आहे. तसेच हुसेन यांनी सांगितले की, त्यांच्यातर्फे वैद्यकीय मदत पथके पाठवण्यासाठी केरळच्या आरोग्य सचिवांशी चर्चा केली आहे. तसेच युएईचे पंतप्रधान आणि दुबईचे राजे शेख मोहम्मद बिन रशीद अल मक्तुम यांनी केरळला मदत करण्यासाठी आपत्कालीन समिती तयार करण्याचे आदेश दिले आहेत.
WebTitle : marathi news kerala floods Indians from UAE help for flood victims
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.